Impeach trial ni Bautista tuloy kahit nagbitiw na sa puwesto
Ayon kay Sen. Chiz Escudero, maaring iginiit ni Chairman Andres Bautista na mawawalan rin ng saysay ang impeachment trial kapag bumaba na siya sa puwesto pero maari namang igiit ng Kamara na tatayong prosekusyon na dapat ituloy dahil sa mayroon pang perpetual disqualification. Mong Pintolo/File
MANILA, Philippines — Maaaring ituloy ang impeachment trial ni Commission on Elections (Comelec) Chairman Andres Bautista kahit pa nag-resign na ito o tuluyang bumaba sa puwesto.
Ipinaliwanag kahapon ni Sen. Chiz Escudero na hindi lamang pagtanggal sa puwesto ang layunin ng impeachment trial dahil maaring patawan ng parusang “perpetual disqualification” kapag na-convict ang isang impeachable official.
Ayon kay Escudero, maaring iginiit ni Bautista na mawawalan rin ng saysay ang impeachment trial kapag bumaba na siya sa puwesto pero maari namang igiit ng Kamara na tatayong prosekusyon na dapat ituloy dahil sa mayroon pang perpetual disqualification.
Naniniwala si Escudero na maliit lamang ang magagastos sa impeachment trial dahil pareho lamang naman ang staff na gagamitin at maging kuryente na ginagamit ng Senado maghapon.
Tiniyak din ni Escudero na tuloy pa rin ang pagdinig tungkol sa mga sinasabing bank accounts ni Bautista.
Mas mapapadali rin aniya ang pagpapatawag kay Bautista sa pagdinig sa Senado kung nagbitiw na ito sa puwesto o kaya ay na-impeached na dahil isa na siyang pribadong indibiduwal.
- Latest
