Giit sa US: Balangiga Bells ibalik
MANILA, Philippines - Inatasan ng Kamara ang Department of Foreign Affairs (DFA) na gumawa ng aksyon para mabawi ang Balangiga Bells mula sa Estados Unidos.
Sa House Resolution 1142 na inihain ni Eastern Samar Rep. Ben Evardone, inatasan nito ang DFA na gumawa ng hakbang para marekober ang tatlong Balangiga Bells na ninakaw mula sa bayan ng Balangiga sa Eastern Samar noong Philippine-American War.
Giit ni Evardone, dapat na magsikap ang DFA at igiit ang kanilang diplomatic efforts para marekober ang nasabing mga kampana.
Noong 15th at 16th Congress ay naghain na rin ng resolution ang Kamara para maibalik ang nasabing mga bells.
Matatandaan na noong anibersaryo ng Philippine Air Force noong nakaraang taon ay sinimulan ng Pangulo ang kanyang adbokasiya na maibalik ng Amerika ang tatlong Balangiga bell at muli niyang inulit ang panawagan sa kanyang SONA noong Lunes.
- Latest