1,000 bagong posisyon kailangan sa BI
MANILA, Philippines - Puwede ng kumuha ng mga eligible personnel ang Bureau of Immigration (BI) matapos aprubahan ang 1,000 bagong posisyon para mag-trabaho rito.
Sa panayam, sinabi ni Department of Budget and Management (DBM) Secretary Benjamin Diokno na inaprubahan niya ang hiring dahil nangangailangan ng karagdagang manpower ang ahensiya.
Ayon kay Diokno, at least 1,000 applicants ang kailangan na sasanayin bilang Immigration Officer 1, na may salary grade 11 o gross pay na P19,000.
Ayon kay Marc Red Marinas, BI Port Operations chief, gagawin ng gobyerno na itaas ang Immigration Officer 1 salary sa salary grade 11 to salary grade 16, na may kabuuang sahod na P28,000 hanggang P30,000.
Sa taas anya ng sahod ay tiyak marami ang papasok dito basta eligible sila.
May 40 newly hired personnel ang kumukuha ngayon ng immigration basic crash course at sa huling linggo ng Hulyo itatalaga ang mga ito sa NAIA.
Sabi pa ni Marinas, hindi lang sa NAIA itatalaga ang mga bagong matatanggap na immigration kundi pati sa ibang international airports at seaports.
- Latest