Ex-PCGG chair kulong ng 20 years sa graft

MANILA, Philippines -  Hinatulan ng Sandiganbayan 1st division ng pagkabilanggo si dating PCGG chairman Camilo Sabio dahil sa kasong paglabag sa Anti-Graft and Corrupt Practices Act.

Sa desisyon ng anti-graft court, napatuna­yang nagkasala sa dalawang bilang ng kasong graft si Sabio kaya pinatawan siya ng 12 hanggang 20 taong pagkakabilanggo.

Ang kaso ay kaugnay sa maanomalyang pag-lease niya ng milyong pisong halaga ng mga  sasakyan na nagkakahalaga ng P5.93 milyon at P6.73 milyon noong 2007 at 2009.

Ang nasabing mga sasakyan umano ay inupahan mula sa Coconut Planters Bank Leasing and Finance Corp ng walang bidding.

Si Sabio ang nag-iisang nahatulan sa nasabing kaso habang ang kapwa nito akusado ay napawalang sala at isa pa ang patuloy na nakakalaya.