NBI makikipagtulungan sa Interpol vs Lasca?as

MANILA, Philippines — Inatasan ni Justice Secretary Vitaliano Aguirre II ang National Bureau of Investigation na makipagtulungan sa International Police Organization sa pag-aresto sa nagpakilalang Davao death squad leader Arturo Lasca?as.

"In the interest of service and pursuant to the provisions of the existing laws, you are hereby DIRECTED to coordinate with the International Police Organization or INTERPOL to gather information on the location and whereabouts of Arturo Lascañas and to coordinate with the proper authorities for his apprehension," nakasaad sa memorandum ni Aguirre kay NBI Director Dante Gierran.

Inilabas ito ng kalihim nitong Hunyo 8, dalawang araw matapos maglabas naman ng arrest warrant ang Davao City Regional Trial Court.

Hindi pa naman naisisilbi ang arrest warrant na nakatukoy sa bahay ni Lasca?as sa Roseville Subdivision, Buhangin, Davao City o saan mang bahagi ng Pilipinas.

Nitong Abril 8 ay lumipad patungong Singapore si Lasca?as ngunit hindi na nakabalik ng bansa.

Inakusahan siya ng attempted murder sa pagpaslang kay broadcaster Jun Pala.

Tinambangan ng armadong kalalakihang sakay ng motorsiklo si Pala noong 2003 kung saan sinabi ni Lasca?as na iniutos ito ni noo'y Davao City Mayor Rodrigo Duterte.