Kamara maingat sa Martial Law report
MANILA, Philippines - Nag-iingat ang liderato ng Kamara sa pagsasapubliko ng Martial Law report na isinumite ng Malacañang sa dalawang kapulungan ng Kongreso.
Ayon kay House Majority leader Rodolfo Fariñas, hindi basta mailalabas ang kopya ng Martial Law report na hawak na ni House Speaker Pantaleon Alvarez matapos isumite ng ehekutibo kamakalawa ng gabi.
Giit ni Fariñas, maaaring classified ng Palasyo ang dokumento bilang secret, bagay na hindi maaaring salungatin ng Kongreso.
Pangako naman niya na hindi nila itatago ang nilalaman ng report sakaling cleared ito sa publiko.
Inaasahan naman na sa Lunes ay maisasama na sa order of business ng Kamara ang ML report subalit hindi pa malinaw kung ito na ang magiging hudyat para mapag-usapan ito sa plenaryo.
Ang Martial Law report ay direktang iniabot kay Alvarez at Senate President Koko Pimental ng ?9:55 kamakalawa ng gabi o limang minuto bago ang deadline na alas-10 ng gabi.
- Latest
