Pamumutol ng puno sa Palawan, idinepensa

MANILA, Philippines - Nanindigan ang Ipilan Nickel Corp. na sinunod nito ang batas at regulasyon nang isagawa ang pagputol ng puno sa Palawan.

Ito’y nang personal na bisitahin ni DENR Secretary Roy Cimatu ang kumpanya kayat nagkaroon ng pagkakataon ang Ipilan Nickel na maipaliwanag ang ginawang pagputol ng puno doon ay may kaukulang permit at pagsunod sa batas.

Una nang kinansela ni dating DENR Secretary Gina Lopez ang Environmental Compliance Certificate (ECC) ng kumpanya dahil sa kabiguan nitong magpatupad ng mga proyekto sa lugar partikular sa mga residente doon sa loob ng 5-taon mula sa issuance nito nitong Oktubre 8, 2010.

Gayunman, sa rekord ay naipakita ng kumpanya ang mga ginawang programa na ipinatutupad sa pakikipagtulungan ng DENR.

Bilang pagpapatunay umano ay nabigyan pa ang kumpanya ng award ng DENR noong June 2013 dahil sa mahusay na pamamahala at pangangalaga sa kalikasan.

Taong 2014 ang kumpanya ay tumanggap ng pagkilala mula sa Mines and Geosciences Bureau (MGB) dahil sa mahusay na Community Deve­lopment Program na nagpapakita ng maunlad at maayos na kalidad ng buhay ng residente sa kalapit na komunidad ng kumpanya dahil sa ipinatupad na programang pang-kalusugan, edukasyon, safety at environmental protection.

“We will work closely with the new DENR leadership and provide all the necessary information to show that we have followed the applicable laws and regulations in good faith, the cancellation of INC’s ECC is a subject of a pending motion for reconsideration. Under the Revised Administrative Code, the pendency of a motion for reconsideration stops the effectivity of an order of a department.”  ayon kay Atty. Dante R. Bravo, President ng Ipilan Nickel Corporation.