Davao City 'hold-and-secure situation' na lang

MANILA, Philippines (UPDATED) — Hindi na “lockdown” ngunit "hold-and-secure situation” na ang idineklara ni Davao City Mayor Sara Duterte-Carpio ngayong Miyerkules.

"Mula sa lockdown, we have changed the situation to a hold-and-secure situation," wika ni Duterte-Carpio.

"We are preventing violence from erupting inside the city. We are preventing violence from entering Davao City. We are discouraging travel to and from Davao City if it's not an urgent matter to attend to," dagdag niya.

BASAHIN: Martial law sa Mindanao

Naunang idineklara ng alkalde ang lockdown kasunod ng pagsasailalim ng kaniyang amang si Pangulong Rodrigo Duterte ang buong Mindanao sa martial law.

Ginawa ito ni Duterte- Carpio matapos makakuha ng impormasyon na may mga miyembro ng Maute Group sa Davao City.

"They are Maute members, (from the) Maute group. Mero tayong identified individuals inside Davao City but they are under the control of our law enforcement authorities," pahayag ng alkalde.

"Wala sila sa labas, hindi sila nakakalabas. Hindi sila nakaka-roam around the city (They are not outside and able to go around)," dagdag niya.

Aniya iniiwasan nila na madamay ang lungsod lalo na’t ito ang hometown ng pangulo.

BASAHIN: Duterte: Martial law sa Mindanao pareho sa ginawa ni Marcos

"They would want to do it here in Davao City kasi number one, nandito nakatira ang president and number two is Davao City is the rallying point of Mindanao," patuloy ni Duterte-Carpio.

"Yan yung isa sa mga points na ginagawaan namin ng mga aksyon, the possibility of divertion or the possibility of retaliation inside Davao City.”

Sinabi pa ng alkalde na naka-high alert na ang mga awtoridad sa lungsod ng Davao kung saan hinigpitan na rin ang seguridad lalo na sa katubigan.

"Sa experience natin dati dumadaan sila sa dagat, nag-babangka sila so kasali na sa consideration 'yun may increased maritime shoreline patrol sa coastal areas ng IGACOS (Samal), Davao City and Davao Oriental," ani Carpio.

Tiniyak ng alkalde na walang dapat ikabahala ang publiko dahil ginagawa nila ang lahat upang masiguro ang kanilang seguridad.

"Kung hindi naman kayo criminal or terorista, hindi naman kayo rebel, you have nothing to worry about. This is just focused on (sa) mga tao na gusto manggulo sa ating bansa."