Trike vs bus: 4 patay
CAMARINES NORTE, Philippines - Apat-katao na lulan ng traysikel ang namatay makaraang sumalpok sa kasalubong na pampasaherong bus saka nasagasaan pa ng trailer truck sa kahabaan ng Gov. Jose Fuentebella Highway sa Barangay Ayugan, bayan ng Ocampo, Camarines Sur noong Martes ng gabi.
Kabilang sa mga namatay ay sina Ricardo Arce, trike driver; Dominick Brandes, Mark Patrick Nicko Molina, at si Fredrick Ace Henry Arce, mga pasahero ng trike at nakatira sa Barangay La Purisima sa bayan ng Ocampo, Camarines Sur.
Sa inisyal na imbestigasyon ng pulisya, lumalabas na nag-overtake ang tricycle sa trailer truck (CZC882) ni Diolito Reambonanza ng San Roque, Baliwag, Bulacan subalit sumalpok naman sa kasalubong na Florencia Bus (EVW 598) na minamaneho ni Antonio Aguedan ng Barangay Binauanan sa bayan ng Lagonoy, Camarines Sur.
Gayunman, doble kamalasan ang sinapit ng trike dahil nasagasaan ng trailer truck na kanyang nilagpasan.
- Latest
