'Mega shabu lab' gawing rehab – Duterte
MANILA, Philippines – Nais gawing drug rehabilitation center ni Pangulong Rodrigo Duterte ang umano’y abandonadong drug laboratory na natagpuan sa Arayat, Pampanga.
Sa pagbisita ni Duterte ngayong Martes sa tinaguriang “mega shabu lab” ay inirekomenda niya ang pagdaragdag ng mga pader, pundasyon at ng karagdagang baiting upang mapakinabangan.
"I will find the money, I will find the money, sigurado yan. I'm gonna have about P25 million to P50 million. It's going to be a beautiful rehab center for the country," wika ni Duterte.
Natagpuan nitong Biyernes ang shabu lab na ikinubli bilang babuyan at corn-crusher facility.
Sinabi ni Duterte na pagmamay-ari ng isang “Sandy Chua” ang laboratoryo at tiniyak niyang hindi na ito makukuha pa ng mga suspect.
Sa tantiya ng Philippine Drug Enforcement Agency ay kayang gumawa ng 400 kilo ng shabu ng laboratory kada araw.
- Latest
