Gibo tinanggihan uli ang DND post

MANILA, Philippines - Tinanggihan muli ni former presidential candidate Gilbert Teodoro ang alok ni Pangulong Rodrigo Duterte na pamunuan ang Department of National Defense (DND).

Sinabi ni Pangulong Duterte sa kanyang press conference, nagkita na sila ni former DND Sec. Gibo Teodoro at muling tumanggi ito sa kanyang alok na muling pamunuan ang DND. Nagsilbi si Teodoro bilang DND chief sa Arroyo government.

“Ayaw ni Gibo, ibig sabihin maghahap tayo ng iba,” wika pa ni Pangulong Duterte sa kanyang press conference kahapon ng madaling araw sa Davao City.

Plano ni Duterte na bigyan ng ambassadorial post si DND Sec. Delfin Lorenzana at posibleng italaga niya bilang ambassador to Washington pero tumanggi din si Lorenzana na maging ambassador sa US.

“No I already declined the offer. I lived there 14 years. Not yet muna,” wika pa ni Lorenzana na nagsilbing presidential representative at Office of Veterans Affairs head sa Philippine embassy sa Washington bago itinalaga ni Duterte na DND chief.