Bagyong ‘Dindo’ nakapasok na ng PAR

MANILA, Philippines – Nasa loob na ng Philippine area of responsibility ang bagyong “Dindo” ngayong Miyerkules, ayon sa state weather bureau.

Huling namataa ng Philippine Atmospheric, Geophysical, and Astronomical Services Administration si Dindo na may international name na Lionrock sa 1,200 kilometro silangan hilaga-silangan ng Itbayan, Batanes kaninang tanghali.

Taglay ng ikaapat na bagyo ngayong taon ang lakas na 130 kilometers per hour at bugsong aabot sa 160 kph.

Mabagal ang paggalaw ni Dindo pa timog timog-kanluran sa bilis na 7 kph.

Wala pa namang nakataas na public storm warning signals.

 Dahil sa mabagal na paggalaw ng bagyo ay inaasahang nasa 1,180 kilometro silangan hilaga-silangan ng Itbayat, Batanes si Dindo sa Lunes.