Pres. Rody ‘lumambot’ na sa media
‘Once a month’ prescon isasagawa
MANILA, Philippines – Tila lumambot na si Pangulong Rodrigo “Rody” Duterte sa pakikitungo sa media matapos ang self-imposed boycott nito kamakailan at may planong magkaroon ng “once a month” na press conference sa piling media group.
Ito ay matapos na imbitahan mismo ng Pangulo ang mga ilang selected mediamen para sa isang private dinner sa Malacañang Park kamakalawa ng gabi matapos ang kanyang unang State of the Nation Address (SONA) sa joint session ng Senado at Kamara.
Nakipagkwentuhan si Duterte sa mga piling mediamen na sina Ian Cruz at Cedric Castillo ng GMA 7, Mia Reyes ng TV5, Doris Bigornia ng ABS-CBN, Ina Andolong ng CNN Phils. at ang editor-in-chief ng Mindanews na si Carol Arguillas matapos silang imbitahan sa Malacañang Golf Club House na ilang metro lamang ang layo sa Bahay ng Pagbabago (dating Bahay Pangarap) sa Malacañang Park. Nangako si Pres. Duterte sa mga mediamen sa “once a month” na press conference matapos na sabihin nito noon sa Davao City na hindi na siya magpapaunlak ng anumang pulong balitaan hanggang sa matapos ang kanyang termino.
“Alam mo, ganito, wala na akong hinahabol, nandito na ako eh. Nakornihan naman ako, wala na akong habulin. Kaya ako, maski may media o wala, para sa akin I do not need it,” dagdag pa ni. Duterte.
- Latest