FOI lalagdaan bago ang SONA – Palasyo
MANILA, Philippines – Siniguro kahapon ng Malacañang na lalagdaan ni Pangulong Rodrigo Duterte ang executive order tungkol sa Freedom of Information (FOI) bago ang unang State of the Nation Address (SONA) ng Pangulo sa Lunes, ayon kay Presidential Communications Office (PCO) Sec. Martin Andanar.
Sinabi ni Sec. Andanar, lagda na lamang ni Pangulong Duterte ang kailangan upang ganap nang maipatupad ang EO ukol sa FOI.
Nasa Mindanao si Pangulong Duterte para bisitahin ang puwersa ng mga sundalo. Unang binisita nito ang mga sundalo sa Basilan, Zamboanga City at kahapon ay sa Maguindanao naman.
Kabilang ang FOI sa pangako ni Pangulong Duterte noong presidential campaign kapag nanalo ito upang maging bukas sa publiko ang gobyerno para patunayan ang transparency nito.
Hindi nakapasa ang FOI bill sa nakaraang Kongreso kahit ito rin ang “battle cry” noong 2010 ni dating Pangulong Benigno Aquino III.
- Latest