Itinerary ni Pope Francis sa Pinas ilalabas sa Dis.
MANILA, Philippines - Nakatakdang ianunsiyo ng Catholic Bishops Conference of the Philippines (CBCP) ang itinerary ng pagbisita sa bansa ni Pope Francis.
Sinabi ni Manila Archbishop Luis Antonio Cardinal Tagle, inaasahang bago magtapos ang Nobyembre o sa unang bahagi ng Disyembre ay muling darating sa bansa ang mga kinatawan ng Vatican upang tingnan ang progreso ng paghahanda para sa papal visit at inaasahang sa Disyembre ay maiaanunsiyo na sa publiko ang itinerary.
Nilinaw rin naman ni Tagle na wala pa silang natatanggap na opisyal na impormasyon hinggil sa mga ispekulasyon na didiretso na sa Pilipinas ang Santo Papa at kung nakansela nga ba ang pagbisita nito sa Sri Lanka sa Enero 12-15 dahil sa eleksiyon doon.
“Ang huling narinig ko bago ako umalis ng Vatican, magkakaroon ng canonization sa visit sa Sri Lanka. Kung makakaapekto ‘yung eleksyon, wala pang announcement. A lot of it will also depend on the bishops there,” ani Tagle.
- Latest