Kalahating buwan na ulan ibinuhos
MANILA, Philippines - Umaabot sa kalahating buwang ulan ang dami ng ulan na dala ng bagyong Mario sa nakalipas na 12 oras sa Metro Manila dahil sa habagat.
Ito ay makaraang maitala sa Science Garden ng PAGASA sa Quezon City ang 268 millimeters na ulan ni Mario mula alas 8 ng hapon ng araw ng Huwebes hanggang alas-8 ng umaga ng Biyernes.
Sa ginanap na press conference sa PAGASA, sinabi ni Aldczar Aurelio, weather forecaster ng ahensiya, ang naturang sukat ng ulan ni Mario ay mahigit sa kalahati ng buwan na aabutin sa 451.2-mm average rainfall na para sana sa buong buwan ng Setyembre ng taong ito.
Pero anya mas malakas naman dito ang ulan na dala ng bagyong Ondoy sa Metro Manila noong September 2009 dahil nakapagtala ito ng ulan na 375 mm sa loob lamang ng 6 na oras at 465 mm rainfall sa loob ng 24 oras.
Sinasabing matindi ang naging pag-ulan sa Metro Manila dahilan sa ang bagyong Mario ay nasa bahagi ng norte, ang lugar na mabilis maapektuhan ng habagat.
Kahapon ng hapon ay patuloy pa rin ang pag- uulan sa Metro Manila at inaasahang lalabas ng bansa si bagyong Mario Linggo ng umaga.
- Latest
