2 LPA tinututukan ng PAGASA

MANILA, Philippines - Dalawang low pressure area (LPA) sa loob ng Philippine Area of Responsibility (PAR) ang binabantayan ng state weather bureau ngayong Miyerkules.

Namataang ng Philippine Atmospheric, Geophysical and Astronomical Services Administration (PAGASA) ang isang LPA sa 350 kilometro silangan ng Baler, Aurora kaninang alas-4 ng madaling araw.

Mababa ang tsansa nitong maging ganap na bagyo, ngunit inaasahang magdadala ito ng mahina hanggang sa katamtamang pag-ulan sa Visayas, Caraga, Metro Manila, Cagayan Valley, Central Luzon, Calabrazon (Cavite, Laguna, Batangas, Rizal and Quezon) at Bicol Region.

Samantala, nasa silangang Mindanao naman ang isa pang LPA.

Ayon pa sa PAGASA ay mataas ang tsansa nitong maging ganap na bagyo.

Pangangalanan itong "Karding" oras na tuluyang maging bagyo.

Dalawa hanggang tatlong bagyo ang inaasahan ng PAGASA na papasok sa PAR ngayong Setyembre.