PNoy hindi na kailangang sumabak sa MRT challenge – Palasyo
MANILA, Philippines – Iginiit ng Malacanang na hindi na kailangang sumakay pa ng MRT o LRT ni Pangulong Benigno Aquino III para maramdaman ang kalbaryo ng mga mananakay ng mass transport system, ayon kay PCOO Sec. Herminio Coloma Jr.
Sinabi ni Sec. Coloma sa media briefing kahapon, madaming problemang kinakaharap si Pangulong Aquino bilang ama ng bansa at hindi na nito kailangang sumakay pa ng MRT o LRT para maramdaman ang kinakaharap na kalbaryo ng mga commuters mula sa pagpila sa pagbili ng tiket hanggang sa pagsakay.
Wika pa ni Sec. Coloma, ginagawa ni Pangulong Aquino ang lahat ng paraan upang malutas ang problemang kinakaharap ng LRT at MRT na palaging nagkakaroon ng aberya.
Idinagdag pa ni Coloma, hinahanapan ng solusyon ng gobyerno ang kinakaharap na problema ng mass transport system upang malutas na ang mga problemang ito.
- Latest