Bakakon ug walay baruganan

Kini ang paghulagway ni retired General Getulio Napeñas, kanhi commander sa Special Action Force SAF kang kanhi Presidente PNoy sa padayon nga pag- panghunaw niini sa palpak nga operasyon sa Mamasapano, Maguindanao nga gikamatay sa 44 ka mga miyembro niini duha ka tuig na ang nakalabay.

Niadtong Biyernes atol sa pagtambong ni Napeñas sa fun shooting nga gipasiugdahan sa PRO7 gipabuhagay niya atubangan sa Cebu media ang kapungot sa iyang kanhi commander in chief nunot pagduot kaniya nga maoy sad-an sa nahitabo sa SAF44. Gibutyag ni Napinas nga wala niya linglaha si PNoy kinsa nasayod sa tanan gikan sa plano hangtod na sa execution sa Oplan Exodus.

Gihulagway pa niya nga ang gipagawas ni Aquino nga "alternative truth" sa nahitabo usa ka dakong bakak nga mismo ang kanhi presidente ang naghimo.

Nabanhaw ang Mamasapano issue human giugkat ni Presidente Duterte kinsa mibasol sa iyang predecessor sa nahitabo.

Apan gibarugan ni PNoy nga gilingla siya ni Napeñas pinaagi sa pagpresentar sa swabe nga power point presentation sa plano  apan ang tanan drawing lang diay.

Wala kapugong si Napeñas sa paglaglag kaniya sa kanhi presidente kinsa iyang gihagit nga moangkon sa kapalpakan ug angkonon ang responsibilidad.

Gipadayag sa kanhi SAF Commander nga "mabuti sana kong ang lahat na presidente katulad ni pangulong Duterte na may bayag at may paninindigan na hindi ilaglag ang mga taohan."

Sakto pud si Napeñas nga gibiyaan lang sila ni PNoy kinsa naneguro lang og salba sa iyang kaugalingon. Hinuon mao na man gyud ang kinaiya ni PNoy ang pagpasa sa kasaypanan sa uban.

Gani hangtod sa nahuman na ang iyang termino, ang kanhi administrasyon nga iyang gisundan ang gisigihan pa niya og basol sa kalisdanan nga nahiaguman sa katawhan.

Sa kasong iyang giatubang karon posible nga ang nahiaguman sa presidente nga iyang gisundan, iya usab matagamtaman