Home Sweet Home Gyud!

Home is where the healing is. Nipauli ko’g Pilar, Camotes last December 30, nga nagdala’g hilanat. Duha ka semana na to nga hilanat gyud. Diha pay ubo nga kagalkal kaayo nga mura’g mahabwa gyud akong tinai inig udhak nako. Basta, I was really sick. Over fatigue was to blame. Labi na pagsugod na sa mesa de gallo kay mudiretso kaha ko’g simba sa Shrine of Our Lady of Lourdes, sa Punta, nga walay katog. Unsaon, 3.am man gyud akong tambungan nga misa, unya gikan ko’g work or naa koy party nga gitambongan sab, mahadlok ko dili na nuon ko makamata sa hustong oras kon matog pa ko. So aron sure, simba daan, nya human matulog na dayon. Pakkkk

So mao to na down gyud ko ato, but kinahanglan gyud ko mubangon to go to work ug sa uban pa nakong mga kalihukan. But kahibawo gyud ko nga kon makapauli lang gyud ko’g Camotes, unya makakompleto gyud ko’g katulog, maayo gyud ko. Pahuway ra gyud akong gikinahanglan. I was really sick. Wala na lang gyud ko nakatambong sa among high school reunion—perteng paabot sa akong mga classmates nako. Sorry po.

Pwes, the healing process started with a hilot the next day. Suki na gyud na nako’s noy Eddie (nga taga Nino, Ezperanza), for three years now. Kada tapos sa tuig mao gyud nay iyang tulumanon nako—hiluton ko. Magpabulkit ba. Hahaha. Maayo gyud ko ana niya. Of course, gipadad-an sab gyud ko sa among company doctor sa The Freeman/Banat News nga si Dra. Remedios Bacasmas og mga tambal aron maayo ko.

But dili sab gyud kabintahaan ang pag-atiman sa akong mama Sally ug papa Sol nako uy. Puli-puli gyud sila og haplas sa akong likod every time nga hutoyon ko. Kay hugot man gyud ang pagtuo sa akong mama nga panuhot gyud tong ubuha. Nya, paimnon ko sa akong mama og init nga tubig nga gibutangan og dahon sa lagundi kada hutoy. Inig dayong katog timplahan ko niya og luy-ang dilaw aron makatulog gyud ko’g tarong.

Problema man sab gud to nako ang pagkatulog gyud kay nanganad man akong mga mata—buntag naman ko makatog. Naguba akong sleeping pattern ba. In fact, paglabay nako’g Ormoc, City padung Pilar, Camotes nagpalit gyud ko’g sleeping pills kay kon magkinaunsa, muinom gyud ko aron makatarong ko’g kato’g aron maulian gyud ko. But kaluoy sa Ginoo, wala nako nainom ang sleeping pills kay epektibo man  ang usa ka baso nga luy-ang dilaw kada dayong katog plus duha ka saging hinog. Pakpak!

So pag-ampo, pahuway, ug pag-amuma ang niresulta gyud sa akong pagkaayo, usa ka adlaw sa wala pa ko mubalik diri sa Cebu. Lahi ra gyud sa probinsya uy. Utan ug preskong isda among sud-an. Preskong hangin ug tugob sa pagmahal gyud sa imong palibot. Naulian gyud tawon ko. Praise the Lord!

Our body is our biggest asset. We should invest it well. Let’s all rest when tired. Go to bed when sleepy. Think happy thoughts. Work in the office during office hours only. And pray a lot! Pakpak