Churva Asintado

CEBU, Philippines — Human sa usa ka tuig nga nawala sa limelight, mobalik na sa telebisyon ang aktres nga si Julia Montes diin usa na sab ka revenge series ang bidahan niini nga mao ang ‘Asintado’. Ang maong serye magsugod na karong Enero.

Balik Showbiz Patroller

Mibalik na isip Star Patroller sa TV Patrol ang aktres nga si Erich Gonzales. Niadtong Miyerkules sa gabii, si Erich mao ang naghatod og mga updates sa mga kasikas sa showbiz. Kahinumduman nga unang nakita sa Erich sa maong programa niadto lang Septiyembre niining tuiga.

Nag-enjoy sa Denmark

Kauban  nga nagbakasyon ang rumored couple nga si Kim Chiu ug  si Xian Lim didto sa Denmark. Malipayon nga gipakita sa duha nga lingaw ang ilang pagpahayahay sa maong dapit tungod kay gawas nga nag-snow, daghan sab og kalingawan sa maong dapit.

Tingbun na lang

Bisan og tingbakasyon, wala gyud sayangi ni Kris Bernal ang mga adlaw nga pwede pa siya makatrabaho sa iyang soap opera nga ‘Impostora’. Malipayon si Kris nga nabahin niya og tarong ang iyang oras karon. Tug-an pa ni Kris nga itingub na lamang niya ang iyang bakasyon sa Pebrero.

Meet me in St. Gallen

Gipagawas na ang trailer sa umaabot nga pelikula nila ni Carlo Aquino ug Bela Padilla nga Meet Me In St. Gallen. Ikatakda kining ipagawas karong 2018. Ubos kini sa direksyon ni Irene Villanueva. Matud pa ni Direk Irene nga adunay mga eksena nga gikuha didto sa Switzerland.

Wala pa sa plano

Unom ka buwan nang kasal si Solenn Heussaff ngadto kang Nico Bolzico apan gitug-an niya nga wala gihapon siya’y plano nga makabaton sila og anak sa iyang bana. “I need to work first. I have two nephews na makulit, okay na ako do’n”, suma pa ni Solenn.

New Year’s resolution

Usa sa mga New Year’s Resolutions sa Kapuso aktor nga si Miguel Tanfelix nga magmalipayon pa sa tibuok tuig. Matud pa niya nga minusan na sab niya ang dali nga pagkaguol sa mga ginagmay lang nga mga butang nga iyang masinati.

Balik sa hugot songs

Karong 2018, plano ni Kris Lawrence ang pagkanta og mga hugot songs.  Si Kris ang mipasikat sa kanta nga ‘Kung Malaya Lang Ako’. “Na-miss ko talaga kumanta ng mga hugot songs. I’ve been focusing on a new sound but I know I’m in the Philippines, so I know yung mga songs na nakakakonek sa masa is yung mga hugot, yung mga love songs,” suma pa ni Kris.

Mobisita sa kuya

Sugdan ni Andrea Torres ang iyang tuig nga magpahayahay ug molaag sa Australia. Usa sa rason sa pagtikang sa aktres sa maong dapit mao ang pagbisita sa iyang maguwang nga lalaki nga didto na nagpahiluna.

Magpakasal na puhon

Motuo gyud og kaminyuon ang comebacking Kapamilya aktor nga si Derek Ramsay. Gani, matud pa niya nga hapit na sab siya kaslon gumikan kay ang iyang tulo ka tuig na nga girlfriend nga si Joanne Villablanca andam na sab magpakasal kaniya ug kasamtangan na sila nga nagtigom karon. Gitug-an sab ni Derek nga gusto sab niya nga molungtad ang iyang kaminyuon sama sa iyang mga ginikanan.