Buhaton sa GMA-7 Pinoy version sa Boys Over Flowers
CEBU, Philippines — Nagpinirmahay og kontrata dili lang dugay ang GMA Network Inc. ug JU Entertainment Movie and Drama Inc. alang sa pagama og Filipino version sa sikat nga Korean series nga Boys Over Flowers.
Ang F4 members sa original series niini mao sila si Lee Min-ho isip Gu Jun-pyo, Kim Hyun-joong isip Yoon Ji-hoo, Kim Bum isip So Yi-jung, ug Kim Joon isip Song Woo-bin.
Malipayong gipahibalo sa Vice President for Program Management sa GMA7 nga si Jose Mari Abacan nga makita sa Kapuso network ang giatangan nga adaptation sa nahisgutang TV series.
"We’re very pleased to announce that we are doing our own version of Boys Over Flowers in partnership with JU Entertainment Movie and Drama Inc. It’s a huge project and we promise to give our viewers something to look forward to soon.” niya pa.
Giasoy sab ni Abacan nga mopahigayon sila og nationwide audition alang sa mamahimong cast members sa maong proyeko.
Samtang nagpasalamat sab ang Chief Executive Officer sa JU Entertainment Movie and Drama Inc. nga si Son Jong Wook sa maong partnership ngadto sa GMA Network.
“I would like to thank GMA for the partnership. Looking forward to a fruitful relationship with the Network and we are all excited with this project,” matud pa niini.
Nitambong usab sa contract signing ang JU Entertainment Movie and Drama Inc. Vice -President Oh Jae Jun, Cube 9 Entertainment Chief Executive Officer Lee Dong Hee, ug Cube 9 Entertainment Vice President Kim Jae Sung. (BANAT NEWS)
- Latest
