Carlo ug Bela suwayan sa movie screen

CEBU, Philippines — Sa labing una nga higayon, magpares sa usa ka pelikula sila si Bela Padilla ug Carlo Aquino.

Gipaubos na ang duha  sa  “look test” sa miaging adlaw.

Katapusang nilugwa  si  Bela sa pelikulang  100 Tula Para Kay Stella  uban kang JC Santos  kung diin  mao kini ang nag-una sa takilya sa nagmalampuson nga  Pista Ng Pelikulang Pilipino.

Samtang  si Carlo usab nalakip usab kaniadto sa laing pelikula sa PPP  nga “Bar Boys”.   

New look ni Glaiza mikisaw

Susama og  K-Pop artist ang new look sa  Kapuso actress-singer nga si Glaiza de Castro gumikan sa iyang  pink nga buhok.

Gawas sa iyang pagka- fan sa  K-Pop, ug  na-impluwensahan usab si Glaiza sa   mga anime.

Nahimuot pag-ayo si   Glaiza human nag-viral sa social media ang bag-o niya nga hitsura.

“Trying to capture what's in my head and this is how it turned out,” suma pa sa Instagram post  ni  Glaiza. 

Maine mibalik sa Twitter

Mibalik na sa Twitter ang  actress/TV host nga si Maine Mendoza.Nahitabo kini human niya gipasalamatan ang  fans nila ni Alden Richards nga nitambong sa AlDUb Nation (ADN) Festival 2017 niadtong Domingo, October 22, sa SMX Convention Center sa Pasay City.  Kahinumdoman nga taod-taod na nga nipahuway si Maine sa Twitter  gumikan kay dili siya ganahan makabasa og mga negatibong komento.

LJ nanganak na

Malipayong gianunsyo ni  Jimmy Alapag nga  nanganak na  kagahapon ang iyang asawa nga si  LJ Moreno.   Lalaki ang maong bata ug ilaha kining ginganlan og Calen Asher. Mao na kini ang ikatulong anak nila ni Jimmy ug LJ.

P153M

Nagmaya ang Star Cinema  gumikan kay mikita na og  P153 million ang pelikulang “Seven Sundays” human sa dul-an sa duha ka semana nga pagpasalida niini. Ang maong family drama movie gibidahan nila ni  Ronaldo Valdez, Dingdong Dantes, Aga Muhlach, Enrique Gil, ug Cristine Reyes.

Laura morampa na

Nilarga na paingon sa China  si  Miss World Philippines Laura Lehmann alang sa pagrampa  na niini sa  Miss World 2017 competition karong  November 18.    Mapasalamaton si Laura sa tanan niyang supporters.   Nagpasalamat usab siya kang Miss World 2013 Megan Young gumikan kay nihatag gyud kini og tips kaniya. “I think the most important advice that she gave me is to be myself and have fun because that’s what Miss World is about,” nagkanayon si  Laura.

Ms. Vietnam nag-sorry

Nangayo na gyud og pasaylo si Miss Universe Vietnam 2017 Nguyen Thi Loan ngadto kang  Miss International 2016 Kylie Verzosa ug sa  fans niini.  Nasayran nga nikomento kaniadto si Nguyen og “ugly”  sa hulagway ni Kylie samtang naka-swimwear kini.   Gitataw ni Nguyen nga  ang camera angle ra ang iyang gisaway ug dili ang hitsura ni  Kylie.

Amahan ni Jona mipanaw

Nagbangotan ang singer nga si Jonalyn Viray   gumikan  sa kamatayon sa iyang amahan niadtong Domingo. Kahinumduman nalandig sa miaging buwan  ang iyang amahan sa  intensive care unit  sa tambalanan human kini na- stroke. “Rest in peace Daddy... You are now with our Creator...We love you so much... We will miss you... Please talk to me in my dreams and embrace me tightly as I sleep...Love you so much Daddy,” suma pa sa Instagram post sa singer.

Wala’y selos nga nahitabo

Gihimakak ni  Matteo Guidicelli ang taho nga giselosan sa iyang uyab nga si  Sarah Geronimo ang leading lady niya sa pelikulang The Ghost Bride  nga si  Kim Chiu. “Hindi naman. Kim and I, we’ve been friends ever since and Sarah knows that. Sarah is very cool with Kim,” saysay pa ni Matteo ngado sa  ABS-CBN News.

Regine nakahilak

Wala makapugong si Regine Velasquez sa iyang pagka-emosyonal atol  sa iyang concert dili pa lang dugay. Kanunay gyud nga makahinumdom si Regine sa iyang nipanaw nga  amahan nga si Gerry.  Nasayran nga ang iyang amahan maoy numero uno niya nga supporter.

Magpares og balik

Subling magpares sa usa ka serye sa  GMA-7  sila si  Miguel Tanfelix ug Bianca Umali. Makauban nila sa maong proyekto sila si Carmina Villarroel ug Jean Garcia . Nagkapares ang duha kaniadto sa 'Once Upon A Kiss'.

Bomba nakadaog

Nagmadaogon ang pelikulang Bomba sa  bag-ohay lang nga 33rd Warsaw Film Festival  didto sa Poland. Mao kini ang nakalangkat sa Special Jury prize for Acting. Ang maong pelikula gibidahan nila ni Allen Dizon ug  Angellie Nicholle Sanoy.  Gikatigi niini ang mga pelikula nga gikan sa Russia, Iran, Germany, Thailand,ug France.

Empoy, manghugyaw na pud!

Presko pa kaayo human sa mega-hit movie  nga “Kita Kita”, mopahugyaw na usab si  Empoy Marquez  sa  iyang ‘pampakilig’ alang sa  latest romantic comedy nga  “The Barker” ug ubos kini sa direksyon sa laing komedyanteng aktor nga si  Dennis Padilla.

Ang The Barker  maoy big screen comeback  ni  Empoy  sukad  niadtong Hulyo. Niining higayona , makapares ni Empoy ang usa sa mga prinsesa sa  Viva nga si Shy Carlos, kinsa napamatud-an pag-ayo ang hugyaw nga pag-arte sa pelikulang “Ang Pagsanib Kay Leah Dela Cruz.”

Mao usab kini ang unang higayon nga mahimong direktor sa pelikula si Dennis. Perpekto matud pa ang chemistry nila ni Empoy alang sa pag-conceptualize  sa pelikula hangtud na sa katapusang shooting day.

 Pinaagi sa pagpakita sa nagkadaiyang estilo sa pagpakatawa,  napuno gyud sa kalingawan ang The Barker nga gipaabot nga hangpon sa viewers.

"Kahit na this is my first time na magdirek, I never encountered any difficulties naman. Napakagaan na katrabaho ni Empoy. Para nga kaming naglalaro lang sa set. You will see it sa entire movie, yung good vibes, yung fun… everything!” ,” suma pa ni Dennis.

 Ang The Barker maoy co-production sa VIVA Films ug Blank Pages Productions nga gipangulohan sa veteran journalist nga si Arlyn dela Cruz.

Gawas nila ni Empoy ug Shy, nalakip pud sa The Barker sila si Jeric Raval, Wilma Doesnt, Ronnie Lazaro, Janice Jurado, Sylvia Sanchez ug  Nonie Buencamino.

Mosikad sa mga sinehan ang maong pelikula karong October 25, o ugmang adlawa. (BANAT NEWS)