Banat ( Leaderboard Top ), pagematch: 1, sectionmatch: 1

Pinay maoy Ms. Nature Intercontinental 2017

CEBU, Philippines — Ang kanhi Binibining Pilipinas 2016 candidate   nga si Sarah Bona nilangkat og pageant history sa dihang siya ang labing una nga  beauty queen nga nagtangag sa titulo nga  Miss Nature Intercontinental  2017.

Kapin sa 20 ka mga kandidata ang nagtigi sa maong korona sa miaging adlaw didto sa  Szczecin, Poland.

Gituki  sa maong  indigay ang pipila ka  “environmental issues“  nga nahitabo sa nagkadaiyang dapit sa kalibutan.

Hapit na?

Gibutyag ni Jasmine Curtis Smith  nga masayo-sayo ang kasal  nila ni  Anne Curtis ug Erwan Heussaff. Apan wala niya hisguti ang tukmang petsa gyud niini.  Nasayran nga gisugdan na ang  pre-activities sa maong okasyon.

BI mi-deny

Giklaro  sa  Bureau of Immigration nga wala sila’y giisyu nga  hold departure batok kang  Robin Padilla. Sukwahi kini sa  alegasyon sa aktor nga matud pa wala madayon ang iyang paglarga sa China gumikan kay matud pa duna siya’y hold departure order sa maong ahensya.  Suma pa sa maong ahensya nga wala sila’y record nga immigration procedure sa aktor sa milabay nga pito ka adlaw.

Banhawon ang kagahapon

Madunggan og balik ang mga nindot nga kanta sa  sa grupong Smokey Mountain. Nipirma og kontrata ang  kompositor nga si Ryan Cayabyab u gang Smokey Mountain member nga si James Coronel sa Star Music . Tumong sa Smokey Mountain nga madunggan sa bag-ong henerasyon ang ilang mga awit. Ang maong grupo maoy nagpasikat sa awit nga  "Paraiso," "Can This Be Love" ug  "Kailan."

Malipayon sa pagka-single

Gibutyag ni Empoy Marquez nga taodtaod na siya nga single  ug na-enjoy rapud siya sa istado sa iyang kinabuhi.  Matud pa sa komedyanteng aktor nga dili na siya makahuna-huna sa maong butang gumikan kay naka-focus siya sa iyang career.

Gibisita sa pamilya

Human sa wedding proposal nga nadawat ni Rachelle Ann Go gikan sa iyang American  boyfriend nga si Martin Spies, gisurprisa ang singer sa iyang pamilya nga nagpaabot sa lobby sa hotel nga ilang giistaran didto sa Boracay.  Wala makapugong si Rachelle Ann sa iyang emosyon ug mapasalamaton siya sa init nga suporta sa iyang pamilya.

Mr. M mitingog

Gipanalipdan sa head sa Star Magic nga si Johny Manahan ang aktor nga si John Lloyd Cruz human nag-viral ang video niini kung diin hubog siya samtang nanglaag sila ni Ellen Adarna sa Santa Fe, Cebu.  Matud pa niya nga nangayo na og pasaylo ang aktor sa iyang gibuhat ug mabinantayon na kini kanunay sa mga butang nga iyang buhaton.  "In this age of an all pervasive social media, what is ok and innocent in private becomes worthlessly controversial in public. He will have learned his lesson and be more careful in the future,” matud pa niya.

Liza nakatabang kang Maymay

Tsika pa ni Maymay Entrata nga nagamit gyud niya ang nakuha niya nga tips sa pag-arte gikan ni Liza Soberano. Kahinumdoman nga nilugwa si Liza sa Pinoy Big Brother kaniadto ug  gitudloan niya si Maymay sa saktong pag-kontrolar sa emosyon sa higayon nga mo-arte kini atubangan sa kamera.

“Paraiso”

Nag-duet sila si Angelina Cruz ug Iñigo Pascual sa bag-ong single niini nga “Paraiso”  ubos sa Universal Records.   Ang indie singer-songwriter nga si Keiko Necesario maoy nagama niini.

Liwat sa inahan

Misunod sa tunob ni Lea Salonga ang iyang anak nga si Nicole Chien. Nalakip si Nicole sa musical play nga “Matilda” ug nidala kini sa karakter ni Alice. “Word is finally out, and I couldn’t be happier! Congratulations, Nicole!” suma pa ni sa social media post ni Lea.

Sharon mibilib kang Moi

Nataypan ni Sharon Cuneta ang hugyaw nga abilidad  ni  Moi Bien sa pag-arte. Nakatrabaho ni Shawie si Moi sa pelikula niya nga Ang Pamilyang Hindi Lumuluha. Matud pa sa aktres nga maayo kaayo mo-adlib si Moi sa  ilang mga dayalogo sa maong pelikula. (BANAT NEWS)

  • Follow Us: