Dugang kaso gipasaka kang Richard
CEBU, Philippines - Human sa tax evasion case nga gipasaka sa Bureau of Internal Revenue (BIR) , batok kang Richard Gutierrez, aduna na pu’y bag-ong kaso ang giatubang karon sa aktor.
Sa report sa pep,ph , gipasaka kagahapon ni BIR Assistant Commissioner James Roldan ngadto sa Department of Justice (DOJ) ang reklamo batok sa aktor gumikan kay matud pa gipeke niini ang Annual Income Tax Returns ug Value Added Tax documents. Giingong nahitabo kini sa ikaduha ngadto ikaupat nga quarter niadtong 2012. Kahinumdoman nga gipasakaan sa BIR niadtong Abril og P38.57-million tax evasion case ang actor. Ang maong kaso aduna’y kalambigitan sa production outfit ni Richard nga R Gutz Production. Sa pagsuwat niining balitaa, wala pa kadawat og kopya ang kampo ni Richard sa dugang kaso nga giatubang niini.
Vice missyu na og public apology
Nag-uli na ang maayong kabubut-on sa TV host-comedian nga si Vice Ganda ug ang kolumnista nga si Tony Calvento.
Sa episode sa It’s Showtime kagahapon , August 17, niisyu na og public apology si Vice ngadto kang Calvento.
Kalabot kini sa pagkumpara ni Vice kang Calvento sa usa ka contestant sa "Tawag Ng Tanghalan" sa miaging semana.
“I just would like to personally apologize nga pala. Kasi last time, I wasn’t able to personally say my apologies to Mr. Tony Calvento, who got offended when his name was dragged during the discussion noong nakaraang linggo.Pasensiya na po kayo. I personally apologize.
Pasensiya na kayo naantala dahil ako’y nasa Korea,” saysay pa ni Vice.
Matud pa ni Vice nga gitawagan gyud niya si Calvento ug nagkaistoryahanay na sila niini.
“Gayunpaman nakausap ko naman siya.Tumawag ako sa kanya’t nag-apologize na rin ako personally.At ito, gusto ko pa ring gawin. Pasensiya na po. I apologize," panapos pa ni Vice.
Sa labing bag-o nga Facebook post ni Calvento gidawat niya ang pagpangayo og pasaylo ni Vice.
“VICE'S PERSONAL APOLOGY ACCEPTED.ALL IS WELL. LET'S MOVE ON VIC,” suma pa sa iyang post.
“100 Tula para kay Stella” gihugopan
Ang bittersweet story nila ni Fidel ug Stella sa pelikulang 100 Tula Para Kay Stella maoy usa sa gilinyahan og maayo sa opening day sa 2017 Pista ng Pelikulang Pilipino niadtong August 16.
Suma pa sa Viva Vilms, nag-una sa takilya atol sa opening day ang nahisgutan nilang pelikula. Ang maong pelikula gibidahan nila ni JC Santos ug Bela Padilla nga nidala isip managhigala nga duna’y lain-laing gusto nga dalan sa kinabuhi nga buot subayon. Ang award-winning filmmaker nga si Jason Paul Laxamana maoy direktor sa 100 Tula Para Kay Stella. Samtang pipila ka celebrities ang nipadayag sa ilang pagsuporta sa maong pelikula.
Kini naglangkob nila ni Sarah Lahbati nga nilenggua og , “Please go see 100 Tula Para Kay Stella… I’m so proud of you Bela Padilla.” Samtang si Maris Racal nagkanayon,“Grabe 100 Tula Para Kay Stella, tagos na tagos. Sinamahan pa ng OST grabe kayo sa akin.”
Lucky men
Sila si Joross Gamboa ug JC de Vera maoy makapares nila ni Judy Ann Santos ug Angelica Panganiban sa pelikulang Ang Dalawang Mrs. Reyes.
Suma pa ni JC nga magsige gyud og katawa ang mga tawong motan-aw sa maong pelikula.
Nagbuwag na
Taodtaod na diay nga nagbuwag sila si Edgar Allan Guzman ug Shaira Mae. Tsika pa ni Edgar nga ganahan lang sila mo-focus sa tagsa-tagsa nila nga trabaho.
Adik og Korean drama
Tsika pa ni Janice de Belen nga usa siya sa mga tawong adik kaayo og Korean drama. Duna’y mga higayon nga molungtad siya og taas nga oras sa pag-atubang og telebisyon aron lang gyud motan-aw sa iyang mga paborito nga Korean drama.
Pinay sa AGT
Pasok sa semi-finals round ang 9 anyos nga Pinay nga si Angelica Hale sa America’s Got Talent human nahugyaw kaniya ang mga hurado sa dihang gikanta niya ang Clarity. Nakahilak sa iyang version ang usa sa mga hurado nga si Melanie B nga kanhi sakop sa Spice Girls.
Robin midonar og P5M
Nidonar si Robin Padilla og P5 million sa Department of Social Welfare and Development (DSWD) alang sa mga bata didto sa Marawi City.
Si DSWD Undersecretary Emmanuel Leyco maoy nidawat niini ug nisaksi si President Rodrigo Duterte .
Despacito gikanta ni Nadine
Nag-trending ang video nga gi-post ni Vhong Navarro sa iyang Instagram account diin nikanta si Nadine Lustre og Despacito atol sa break sa noontime show nga It’s Showtime. Kever si Nadine bisan pa man nga wala nagkadimao ang iyang tono.
Nangonsulta sa manghod
Gibutyag ni Vin Abrenica nga nangutana gyud ang iyang maguwang nga si Aljur Abrenica kalabot sa atmosphere sa ABS-CBN sa wala pa kini mobalhin sa maong network. Gisultihan niya ang iyang maguwang nga okay kaayo ang mga artista sa ABS-CBN busa dili kini angay mauwaw.
New member
Malipayon si Bugoy Cariño gumikan kay nadawat siya isip bag-ong miyembro sa grupong Hashtags. Ang maong grupo gilangkoban nila ni Vitto Marquez, Wilbert Ross, Maru Delgado, CK Kieron, Kid Yambao, Rayt Carreon ug Franco Hernandez.
Madugay pa
Gibutyag ni GMA Senior Vice President for Entertainment nga si Lilybeth Rasonable nga duna gyu’y Book 2 ang Encantadia apan dili kini mahitabo karong tuiga. Suma pa niya nga huna-hunaon ug pangandaman pa kini og maayo. Ang maong pantaserye gibidahan nila ni Kylie Padilla, Glaiza de Castro, Gabbi Garcia, ug Sanya Lopez .
Mabdos o dili?
Wala’y direkta nga tubag si Sarah Lahbati sa tsismis nga matud pa nagsabak siya alang sa ikaduhang anak nila ni Richard Guttierez. Gitataw ni Sarah nga usa siya sa klaseng tawo nga napuno sa surprisa. Naka-focus karon si Sarah sa umaabot nga kasal nila ni Richard.
(BANAT NEWS)
- Latest