Wild Flower nagpungasi ang kanindot

Sanden:  Hello mga Kabanatanay! Welcome sa laing hugna sa atong panag-kukabildo dinhi sa kinaham ninyo nga Banatanay. Nagkagrabe na gyud ang mga eksena sa Wild Flower sa ABS-CBN. Trending gyud ang episode niini sa miaging semana ilabi na sa mainitong wedding scene.  Puwes  daghan ang nag-atang sa umaabot nga mga eksena.  Kada bukas nako sa akong Facebook account, permi na lang gyud  Wild Flower ang mga status sa mga tawo.

Yuri:  Avisala sa akong mga beshie Sanden ug Jaypee. Oh my Hugyaw,  another Banatanay nga mura ko’g dili ko ka -relate kay sa tinuod lang I’ve never seen an episode pero pasabta ko ,  unsay naka- trending niya? Please bitaw ni??Hahahahhaha! Kita ko’g photo ni Jaypee  nga ga- gown pero iyang nawong ra man ang gipatong dili man si Ivy Aguas! Hahahahaha!

Jaypee:   Olah! Happiest day! Its Banatanay once again!  Best actress kung best actress ang peg ni Maja.  Dili na gyud angay nga kahibudngan, the newest teleserye queen of ABS CBN is now being proclaimed sa kanyang katauhan.  Beshie Yuri dili  ka maka-relate pero ang lakas ng impact ni Maja sa masa ngayon.  Acting wise very perfect!, nadala ko sa eksena uy.   Ikaw Yuri,  na stress ka ba, gaya ni Emilia? Ahw!

Sanden:  In fairness nimo Jaypee, naa na ka'y maayong panglasa sa mga serye.  Dili gyud baya ko guwapahan nimo.  Bitaw uy, dili na gyud bitaw mabangbang si Maja , dili gyud malilong ang ka maayo niya moarte. Manghinaot lang ta nga dili ra sad kaayo binaton ang istorya para pud dili laayon ang viewers. Tungod sa maong serye, nikisaw pud ang pangalan sa guwapo kaayo nga si Mayor Arnaldo o RK Bagatsing.

Jaypee: Pak na pak,  lagapak Sanden, heavy ka hugyaw sa episode nila niadtong  Biyernes uy.  Makaingon na gyud ko sa akong self as a person in the solar system nga nilugwa na gyud ang  hugyaw nga tinagoan  ni Maja sa acting. Sure ko back to back win ni alang  kaniya sa best actress award. Apan akong panghinaut lang  noh nga dili unta ni masusama sa Ang Probinsyano, nga kusug ang impact kaniadto  sa masa, nahimo na lang og  dry tungod sa dili na kaayo masabtan nga dagan sa istorya sa maong serye. Matapos gani, tapos na gyud unta. Di ba, beshie Yuri?

Yuri: Jaypee and Sanden,I will agree nga dako gyud kaayo ang impact sa maong serye in fact usa sa akong mga FB  friends kay ang  iyang pangalan giilisdan na og Ivy Aguas, so meaning ing-ana ka hugyaw ang maong serye. Well, life is like that you have to make impact para di ka malagapak. Mao nga padayun mo og tan-aw kay padayon pud ko dire sa akoang gitan-aw! ganoon? Hahahahah

Sanden: Kahibalo ko Kumareng Yuri, usa sa imong gikalingawan karon mao ang Ika-6 Na Utos, hinuon naa man ta'y lain lain nga taste. Kung asa ka malingaw, sige go kao’g sago! Bilib jud ko sa writer sa Wild Flower, grabe kaayo momugna og mga twist. Usa na sa rason nga magpundo gyud ang dagway sa hampas lupa nga si Jaypee atubangan sa telebisyon matag hapon. Mga suki namo dinhi sa Banatanay, ayaw mo kalimot ugma alang sa atong FB Live session, sa alas 4 sa hapon busa i-like na ang FB page sa Banat News.

Jaypee:  Feel nako ang writer ug director sa Wild Flower kay parente ni Ivy Aguas, kay laban man kaayo siyang Ivy, awh.   Bitaw noh, atangan na lang nato kung unsa na sab ang pasabog nga ilang idalit ani subay sa pagpalugwa nila sa book 3 sa maong serye. Maja Salvador is Maja Salvador! Unsa ka hawod sa acting.

Yuri:  Sa makausa pa, mo-bow ko ni Maja kun hisgotan  ang  acting ug no question about it. Mao nga go lang ng go kun asa mo malingaw nga teleserye sama sa giingon ni Sanden, ang importante duna kitay makuha nga leksyon nga pwede nato ma- apply sa atong kinabuhi.    Ikaw Jaypee, dili gyud baya ko guwapahan nimo maong hilom na lang diha!.  Hangtod sa sunod Martes, have a great day!.

Alang sa inyong mga komento, ipadala lang kana sa 09192422676 , ug imantala ang inyong mensahe sa “Akong Banat”  sa Kalandrakas section sa umaabot nga mga adlaw.  Butangi sa inyong pangalan ug address.  (BANAT NEWS)