Ma-pressure ni maja
Giangkon ni RK Bagatsing nga dugay na gyud siya nga nangandoy nga makauban sa usa ka proyekto si Maja Salvador gumikan kay kanunay gyud siya nga ma-impress sa pag-arte ni Maja sukad pa niadtong dili pa siya artista. Matud pa niya nga dili gihapon niya malikayan ang ma-pressure ilabi na og maka-eksena niya ang aktres sa serye nga Wildflower.
Guest sa concert
Nahugyaw gyud ang Madlang People gumikan kay ang bag-uhay lang nga natuboy nga Grand Finalist sa Tawag Ng Tanghalan sa It’s Showtime nga si Alfred Relatad, giimbitar ni Ogie Alcasid isip guest sa iyang umaabot nga concert karong Agosto 25 sa Kia Theater. Grabe kabilib si Ogie sa mga nahimong performance ni Alfred sa maong kompetisyon.
Beauty problems
Nagsugod na og kabalaka ang sexy aktres nga si Ellen Adarna gumikan kay nagsugod na og patim-aw ang wrinkles sa iyang nawong. "Isa sa mga reasons why mabilis magkaroon ng wrinkles is that I don't wear sunscreen and I don't moisturize", suma pa ni Ellen.
Balik Star Magic
Nibalik na sa nataran sa Star Magic ang kanhi teen star nga si Antoinette Taus. Matud pa ni Antoinette nga mihilom sa makadiyot ang iyang career human siya manimpad sa laing nasud ug sa dihang pagbalik niya diri sa Pinas, wala pa’y mihupot nga ahensya niya. Karon nga hingpit na siya nga nakabalik sa Star Magic, nagmalaumon siya nga bubuan siya og mga proyekto.
International recording artist na
Usa na ka International Recording Artist ang Star Music artist nga si Kaye Cal human siya mipirma og recording deal nga ubos sa Grammy-award winning songwriter nga si Bobby Brown. Matud pa ni Kaye nga nadiskubre siya sa maong songwriter tungod lang sa iyang mga videos kun aduna siya’y mga show nga ipahigayon.
Trending ang trailer
Nag-trending sa social media ang trailer sa pelikula nila ni Joshua Garcia ug Julia Barreto nga Love You to the Stars and Back nga ubos sa direksyon ni Antoinette Jadaone. Malipayon si Direk Antoinette sa paghangop sa mga tawo sa maong pelikula bisan og wala pa gibutyag kung kanus-a kini mapasalida.
- Latest