Sharon gipalaw sa netizens
CEBU, Philippines - Giatake si Sharon Cuneta sa pipila ka netizens gumikan sa Facebook post niini sa miaging adlaw kung diin nireklamo siya sa grabeng trapiko sa Metro Manila.
Apan niisa ang kilay sa pipila ka netizens ug gipangutana si Sharon kung unsa ang natampo sa bana niini nga Sen. Kiko Pangilingan aron mahatagan og kasulbaran ang problema sa trapiko.
Wala na mohatag og tubag si Sharon ug kever lang kini sa negatibong reaksyon sa mga tawo.
Natural mo-arte
Gibutyag nila ni Alessandra De Rosi ug Empoy Marquez nga ang ilang pagka-natural moarte maoy kasagaran nga nadawat nila nga feedback gikan sa mga tawong nakauyon sa ilang pelikula nga Kita Kita. Wala nila damha ang init nga paghangop sa mga tawo . Sa pagsuwat niining balitaa, niulbo ang balita nga niabot na og P100 million ang kita niini.
Bruno mobalik sa nasud
Mobalik sa Pilipinas ang Grammy Award-winning singer nga si Bruno Mars alang sa laing hugna sa iyang concert. Mahitabo kini karong May 3, 2018 sa Mall of Asia Arena. Katapusang nag-concert si Bruno sa nasud nahitabo niadtong 2014. Nagmalampuson usab ang iyang concert dinhi sa Cebu niadtong April 2011. Si Bruno maoy nagpasikat sa mga awit nga “Just the Way You Are”, “Versace on the Floor” ug “That’s What I Like.”
Mikatawa ra
Gibutyag ni Daniel Padilla nga nagkatawa ra si Kathryn Bernardo sa reaksyon sa mga tawo nga matud pa susama ang dagway niini kang Jake Zyrus sa karakter niini isip Malia sa La Luna Sangre. “Nakikita ko, ito namang mga tao, lagi namang ganito. Si Kathryn ang tawang-tawa, wala, okay lang naman. Alam mo naman ang mga taong yun,” suma pa ni Daniel.
Kiligon sa AshLloyd
Tsika pa ni Charo Santos nga kiligon gyud siya sa tandem nila ni Sarah Geronimo ug John Lloyd Cruz nga gitawag karon og AshLLoyd. Nitambong gyud si Charo sa premiere night sa pelikulang Finally Found Someone. Matud pa ni Charo nga hugyaw gyud og chemistry sila si Sarah ug John Lloyd.
Hapit na
Gibutyag ni Derek Ramsay nga naghisgot na sila sa iyang uyab nga si Joanne Villablanca nga magpakasal. Gitataw usab niini nga hapit na kini mahitabo sa ilang kinabuhi.
Nagselos diay
Giboking ni Kim Chiu si Xian Lim nga matud pa nagselos kini sa panagpares nila ni Gerald Anderson sa seryeng "Ikaw Lang ang Iibigin." Hinuon nakasabot ra si Xian gumikan kay trabaho ra man kini.
Close friends
Soud kaayo sa singer nga si Angeline Quinto ang It's Showtime host nga si Vice Ganda. Suma pa ni Angeline nga kung bakante ang ilang mga oras, magtambay gyud sila sa balay ni Vice ug mag-food trip .
Promise ring
Gihimakak ni Angelica Yap (Pastillas Girl) ang taho nga matud pa engaged na sila sa iyang boyfriend nga si Enzo Gallegos. Suma pa ni Angelica nga ang gisul-ob niya nga singsing karon nagsimbolo lang sa ilang saad sa usa'g-usa nga dili gyud magbuwag.
Eunice gipahilak ni Justin
Giangkon sa Kapuso teen actress Eunice Lagusad nga puwerti niyang hilaka sa dihang gianunsyo nga gikanselar ang concert sa iyang idolo nga si Justin Bieber. Suma pa ni Eunice nga nagpanikad na gyud unta siya nga makakita sa iyang idolo , gani gitipigan gyud niya ang concert ticket ug wala niya damha nga dili na diay kini magamit. (BANAT NEWS)
- Latest