Korean movie ni Devon gisugdan na!

CEBU, Philippines - Nagsugod na ang kanhi Pinoy Big Brother housemate nga si Devon Seron sa  shooting  sa iyang  Korean movie  nga You with Me didto sa Seoul.

Kauban ni Devon sa maong movie project ang sikat nga Korean actors nga sila si Hyun Woo ug Jin Ju Hyeong.

Garbo alang kang Devon nga makadawat sa maong talagsaon nga proyekto.  (Sanden J. Anadia)

Nadine mikatawa sa “buntis issue”

Gikataw-an og maayo ni Nadine Lustre ang tsismis nga matud pa mabdos siya karon.

Gikahibulong sa aktres ang maong taho ilabi na karon nga nius-os man unta ang iyang timbang.

Gipasigarbo ni Nadine nga ni-slim na karon ang iyang lawas ug resulta kini sa iyang pag-gym ug pagkontrolar sa iyang kaon.

Suma pa sa aktres nga dili kalikayan nga dunay mga higayon nga makatubag siya usahay sa mga isyu nga ihampak kaniya.

“Depende. May times na dedma. May times talaga na kailangan mag-speak up ka,” suma pa sa aktres.

Vice napungot sa trapiko

Napungot pag-ayo si Vice Ganda sa grabeng ka huot sa traffic sa nagkadaiyang kadalanan didto sa kaulohan.”Sobrang lala talaga ng traffic. Alam kong di na to bago pero di mo pa rin mapigilang mapamura dahil sa perwisyo. Lalo na't milyon ang tax ko,” tweet pa sa TV host.

Parokya gipasidunggan

Nagpungasi ang mga maayong balita nga nadawat sa grupong Parokya ni Edgar.  Nakalangkat og Gold Record ang ilang ika-10 nga album nga “Pogi Years Old”.   Nakadawat usab og Platinum Award ang lain nila nga album nga “Bente”. Nitunol sa ilang mga pasidungog ang general manager sa Universal Records nga si Kathleen Dy Go.

Wala matandog

Bisan sa kadaghang positibong feedback sa seryeng Ika-6 Na Utos, gibutyag sa bida niini nga si Sunshine Dizon nga duna gihapo’y mga tawo nga mosulti og bati.    Wala na siya manumbaling niini  gumikan kay nag-enjoy siya og maayo sa dakong ratings sa maong serye.

Sekreto ni KC

Tsika pa ni KC Concepcion nga mga utanon o ba kaha sandwich ang iyang paniudto hinungdan nga wala gyud siya motambok.  Suma pa sa aktres nga siya mismo ang magpreparar sa iyang pagkaon.

Paukyab lang

Sweet kaayo sila si Arci Munoz ug Daniel Matsunaga sa pagtikang nila sa Paris  alang sa pipila nila ka mga show sa maong dapit. Gipaukyab usab nila ang ilang fans pinaagi sa pagkomedya ni Arci kang Daniel nga kunohay ni-propose siya niini. Nahitabo kini sa Eiffel   Tower.  Apan duna pu’y pipila ka netizens ang nidedma lang sa paukyab sa duha sanglit nasayod sila nga non-showbiz guy ang tinud-anay nga ka-date ni Arci karong panahona.

Reunion sa Amerika

Puwerting lipaya  ni Sharon Cuneta, gumikan kay nagkahimamat sila og balik sa iyang  suod nga higala nga si  Beth Tamayo didto sa Amerika.  Nitikang si Sharon sa maong dapit alang sa iyang concert tour. Nakabase si Beth sa San Francisco.

Nakalitan pa

Giangkon ni Ronnie Alonte nga wala niya damha ang ubay-ubay nga proyekto nga iyang naangkon karong tuiga.  Matud pa ni Ronnie nga bag-ohay pa lang siya sa showbiz busa  nakugang siya sa dihang nagsagunson dayon ang iyang projects. Nalakip ang aktor sa seryeng A Love To Last ug naa usab siya sa pelikula sa Star Cinema nga Bloody Crayons.

Ikaw na Darren!

Nagbaha ang mga concert ni  Darren Espanto sa gawas sa nasud .  Kini sama sa New Jersey ug Canada.  Gi-promote usab niya karon ang iyang latest album.

Todo pasabot

Aminado  si  Andi Eigenmann   nga dili siya matawag nga perpekto  sanglit nakabuhat man pud siya og mga kasaypanan  apan wala kini nagpasabot nga dautan siya nga tawo.  Hangtud karon, wala pa gyud mahuman ang engkuwentro tali nila ni Andi ug sa iyang ex-boyfriend nga si Jake Ejercito gumikan sa isyu sa kustodiya sa ilang anak.

P65.4 million ug 46 kilo wedding gown!

Ang Austrian pop star nga si Victoria Swarovski maoy latest client sa Filipino designer   nga si Michael Cinco.

Gikasal si Victoria ngadto sa real-estate tycoon nga si Werner Muerz niadtong June 17, ug gisul-ob niya ang mahalon ug bug-at kaayo nga gown.

Ang wedding gown ni Victoria napuno sa crystals ug laser –cut flowers.  Matud pa nga niabot ngadto sa 500,000 crystals ang gitapot sa gown ni Victoria.

Aduna kini 46 kilograms nga gibug-aton  ug  six meters nga gitas-on. Nagkantidad kini og $1.3 million o P65.4 million.

Si Victoria, naggikan sa pamilya nga nanag-iya sa bantugan kaayong Swarovski Crystals.

Samtang si Michael, usa sa mga paborito kaayo nga designer sa pipila ka mga babaye didto sa Middle East ug  Europe.  (BANAT NEWS)