May 5-point program si Vargas para sa POC

MANILA, Philippines – Sa kanyang five-point program patungo sa pagkakaroon ng mas malakas na Philippine Olympic Committee, kumpiyansa si boxing association president Ricky Vargas na makakakuha siya ng maraming boto sa araw ng eleksyon.

Layunin ng 64-anyos na si Vargas na pasiglahin ang Philippine sports sa pamamagitan ng magandang pamamahala, pagbibigay ng kapangyarihan sa mga national sports associations, pagpili ng mga atleta base sa kanilang performance, pakikipagtulungan sa Philippine Sports Commission at pagkuha ng suporta mula sa International Olympic Committee.

“We’ll develop a stronger POC, and that’s our mission for the Philippine sports,” sabi ni Vargas, hangad na wakasan ang 12-taong pangangasiwa ng 82-anyos na si Jose “Peping” Cojuangco Jr. bilang POC president.

Nakatakda ang POC elections sa Nobyembre 25.

Sakaling manalo sa eleksyon ay nangako si Vargas ng matiwasay na pangangasiwa sa POC kung saan maipagmamalaki ng mga atleta ang mga opisyales na kumakatawan sa kanila.

Kasama ito sa kanyang five-point program.

Hindi rin didiktahan ni Vargas ang mga NSAs.

“I come from an NSA. You don’t choose NSAs; you don’t dictate the NSAs. You allow them to grow on their own and you have to empower them. You’re more of a commissioner – you work with; you enable,” sabi ni Vargas.

Sa maaayos na pamamalakad sa POC, sinabi ni Vargas na: “It’s something you do with your ability to govern as opposed to your ability to control which is political. Sports is not political. That would be our process as we’re here purely to help out.”

Ang pagpili naman ng mga atleta para sa national team ay ibabase sa kanilang performance, ayon kay Vargas.

Kasama ni Vargas na tatakbo sa kani-kanilang mga posisyon sa POC election ay sina Rep. Bambol Tolentino (cycling) bilang chairman, Rep. Albee Benitez (badminton) bilang first vice president, Gen. Lucas Managuelod (muay thai) bilang second vice president, Samahang Basketbol ng Pilipinas (SBP) executive director Sonny Barrios bilang treasurer at Ting Ledesma (table tennis) bilang auditor.

Mahalaga naman ang pagkakaroon ng magandang relasyon ang POC sa PSC lalo na tungkol sa development program mula sa grassroots level, ayon kay Vargas.

“I’ve done that in the ABAP (Association of Boxing Alliances in the Philippines). We went out and tried to be able to partner,” wika ni Vargas.

Hangad din ni Vargas na katawanin ang mga NSAs upang makahingi ng suporta sa IOC para sa kanila.

“We might be able to get funding on top of what we get from the government and support their programs,” sabi ng boxing chief. “That’s my commitment good for one term only. I will never seek another term. We wanted to focus our efforts (in our NSAs) although there were already many proddings then. Now, we’re more stable. We’ve got recognition outside the country.”