Ahron naapektohan sa isyu

CEBU, Philippines - Gibutyag ni Ahron Villena nga dili na  makatarunganon ang mga pagsaway nga iyang nadawat sukad pa sa miaging adlaw.

Nasayran nga giulanan og pagpika si Ahron gikan sa iyang bashers gumikan  kay gipapas niya ang mga hulagway nila ni Kakai Bautista sa iyang Instagram page.

Matud pa sa aktor nga duna siya’y igong rason sa pagtangtang niya sa mga hulagway nila ni Kakai apan dili na kinahanglan nga iyaha pang iyagyag ang rason niini.

“Yun tungkol po sa amin ni Ms. Kakai Bautista. Lahat ng memories namin na nakita niyo sa social media ay isang bagay na mahalaga sa akin. But with all humility gusto ko pong sabihin na hindi ko naman po aalisin yun mga yun kung wala pong dahilan. Kung ano po yun dahilan na yun, sa ngayon po hinihingi ko nalang na sa amin nalang muna po yun. But whatever it is please realize na hindi po ako tanga o masama para basta nalang po burahin yun mga yun sa social media,” saysay pa ni Ahron.

Nagkanayon  si Ahron nga nasakitan siya og maayo sa mga mahait nga  nga pulong nga iyang nadawat.

“Itong mga nakaraan araw lagi kong sinasabi sa sarili ko na tanggapin lahat ng pwedeng masabi sa akin - masama, manggagamit o paasa. Pero tao rin lang po ako na naapektuhan din,” dugang pa niya.

Kahinumduman nga na-link sila si Ahron ug Kakai gumikan sa ilang kasuod ug ilang giklaro nga dili sila uyab.

“Please don't judge me or don't judge us base on what you may have heard. But if you really have to I humbly request you to direct it to me but even as I say this I still appeal to all of you to stop all the hate. Mas masaya po kung good vibes lang lagi,” matud pa ni Ahron.

Concert ni Tom Jones sa Pilipinas nakanselar

Wala madayon ang  concert sa  beteranong singer nga si  Tom Jones sa Smart Araneta Coliseum.

Giingong kalit-kalit ang maong anunsyo busa nangayo og pasaylo ang organizer sa maong concert ngadto sa fans ni Tom.

Matud pa nga duna’y nasakit sa pamilya ni Tom   ug nagkinahanglan kini og seryosong pagtagad.

Sa  Facebook niadtong Sabado sa hapon , ang Ovation Productions ni-post og:  "Tom Jones has regretfully had to cancel his performance in Manila this evening.He extends his deepest apologies to both the organizers and the fans, who he is most sad to disappoint. There are no further details at this time.”

Hinoun mipasalig ang organizer sa concert nga mo-refund sa nahalin nga mga ticket sugod ugmang adlawa.

Kahinumduman nga naghinam-hinam na unta nga mohimamat si Tom sa iyang Pinoy fans.