Marian mitin-aw sa isyu
CEBU, Philippines - Gitin-aw ni Marian Rivera ang tsika nga matud pa gi-reject nila ni Dingdong Dantes ang tanyag nga malakip ang ilang anak nga sa Maria Letizia sa TV commercial. Suma pa ni Marian nga bukas sila sa maong posibilidad apan dili pa karong panahona gumikan kay bata pa kaayo ang ilang anak. “Hindi naman sa ayaw ko, pero kasi, ayoko rin naman kasing gamitin ang term na nire-reject ko sila. Naliliitan pa ako sa anak ko. Baka puwedeng palakihin ko nang konti,” suma pa sa aktres ngadto sa PEP.
Komportable kang Heart
Nagpanikad na si Dennis Trillo sa umaabot niya nga serye uban kang Heart Evangelista sa GMA-7. Tsika pa sa aktor nga komportable na siya nga makauban si Heart gumikan kay nagkauban na sila kaniadto sa pipila ka mga programa sa Kapuso Network.
Maine ug Derrick giintriga
Giintriga karon ang kasuod nila ni Maine Mendoza ug Derrick Monasterio. Apan kung ang ilang mga suod ang pangutan-on, maghigala ra gyud ang duha.
Dugay na nga plano
Taud-taud na diay unta ang plano sa Star Cinema nga mag-uban sa proyekto sila si Jennylyn Mercado ug John Lloyd Cruz apan dili lang gyud magkatakdo ang ilang mga bakanteng oras kaniadto. Malipayon ang aktor gumikan kay matuman na gyud kini karong tuiga. Ubay-ubay na nga mga eksena ang ilang nabuhat.
Ogie mibisita sa mga anak
Nibakasyon sa Sydney, Australia si Ogie Alcasid gumikan kay gibisita niya ang mga anak nila ni Michelle Van Eimerenn nga sila si Leila ug Sarah. Una na nga gipadayag ni Ogie nga gahinan gyud niya og oras ang iyang mga anak bisan layo ang nahimutangan niini.
Anne nagpanikad sa Panday
Usa si Anne Curtis sa naghinam-hinam sa proyekto sa iyang manghod nga si Jasmine Curtis-Smith sa TV5. Usa si Jasmine sa mahimong kapares ni Richard Gutierrez sa Ang Panday . Ex-boyfriend ni Anne si Richard.
Pacman gilabhan ni Nora
Gisaway ni Nora Aunor ang pagkumparar ni Manny Pacquiao ngadto sa mga hayop. “Ang masama doon ay sugarol ka, babaero ka, mas masama iyon. At saka huwag niyang sasabihing hayop kasi mga tao iyon eh,” suma pa sa superstar.
Tinagoang talento ni Xian
Nahalin dayon ang duha ka paintings ni Xian Lim nga gi-display sa Art Fair Philippines sa Makati City niadtong Huwebes. Matud pa sa Kapamilya actor nga dugay na siya nga mahiligon og painting.
Date napalaw
Wala madayon ang sabot nila ni Carla Abellana ug Tom Rodrguez nga mag-date sa Tagaytay sa miaging adlaw. Nahadlok ang duha sa grabeng traffic busa nakahukom lang sila nga mag-date sa duol na lang nga restaurant.
Kaliwat ni Angel
Paryente ni Angel Locsin ang child actress nga si Alyanna Angeles kinsa nidala isip batang Kim Chiu sa upcoming series sa ABS-CBN nga “The Story of Us. Malipayon si Angel sa istado sa showbiz career ni Alyanna. (BANAT NEWS)
- Latest