Sarah & Daniel nagmadaugon sa MYX Awards

CEBU, Philippines - Nagmalampuson niadtong Miyerkules sa gabii ang tinuig na nga MYX Music Awards nga gipahigayon sa  SM Aura  sa  Taguig.

Nanghakot og mga pasidungog ang  pop star  nga si Sarah Geronimo nga naglangkob sa  Favorite Music Video, alang sa “Tayo.” , Favorite Artist, Favorite Female Artist, ug Favorite Remake sa awit niya nga  “Maybe This Time.”

Samtang wala usab nagpaulahi  si  Daniel Padilla kinsa maoy Favorite Male Artist ug napili  usab nga Favorite Song ang iyang  “Simpleng Tulad Mo.” Ang iyang onscreen partner nga si Kathryn Bernardo maoy nilangkat sa Favorite Guest Appearance in a Music Video award.

Mananaug sa  MYX Music Awards:

Favorite Music Video: “Tayo” by Sarah Geronimo 

Favorite Song: “Simpleng Tulad Mo” by Daniel Padilla

Favorite Artist: Sarah Geronimo

MYX Magna Award: Rey Valera

Favorite Female Artist: Sarah Geronimo

Favorite Male Artist: Daniel Padilla

Favorite Guest Appearance in a Music Video: Kathryn Bernardo in “Simpleng Tulad Mo” by Daniel Padilla

Favorite Collaboration: “Takipsilim” by Gloc-9 feat. Regine Velasquez-Alcasid

Favorite Mellow Video: “Right Where You Belong” by Julie Anne San Jose

Favorite Urban Video: “Businessman” by Gloc-9

Favorite Rock Video: “Kislap” by Kamikazee

Favorite Remake: “Maybe This Time” by Sarah Geronimo

Favorite New Artist: Darren Espanto

Favorite Media Soundtrack: “No Erase” by James Reid and Nadine Lustre

Favorite MYX Celebrity VJ: Toni Gonzaga

SPINNR Choice Award: Nikki Gil

Favorite K-Pop Video: “Come Back Home” - 2NE1

Favorite International Video: “Shake It Off” - Taylor Swift 

Favorite Group: Silent Sanctuary

LT nawili sa Kathniel

Ganahan si Lorna Tolentino nga makauban niya og balik sa usa ka proyekto sila si Daniel Padilla ug Kathryn Bernardo kinsa nakauban niya kaniadto sa pelikulang Crazy Beautiful You. Suma pa ni Lorna nga komportable siya sa Kathniel.

Regalo sa inahan

Gipabakasyon ni Mikael Daez ang iyang inahan didto sa New York. Suma pa ni Mikael nga upat na siya ka tuig sa showbiz busa mao kini ang magsilbi niya nga regalo ngadto sa iyang inahan.

Uhaw sa proyekto

Gisaulog ni Aljur Abrenica ang iyang 25th birthday niadtong March 24 ug wish sa aktor nga mahatagan siya og daghang proyekto sa GMA-7. Gisaad ni Aljur nga dili na niya kontrahan ang iyang mother network.

Idina motikang sa nasud

Motikang dinhi sa Pilipinas ang nagpasikat sa awit nga Let It Go nga si Idina Menzel. Mag-concert ang maong singer karong June 7 sa Mall of Asia Arena.

Cesar demalason sa politika

Wala’y plano si Cesar Montano nga mosalmot og balik sa piniliay karong 2016. Nasayran nga giaghat og balik si Cesar sa iyang supporters nga magpapili og bisan unsa nga posisyon sa gobiyerno. Kahinumduman nga makadaghan na nga nisalmot si Cesar sa piniliay apan kanunay lang kini nga mapildi.

Guest co-host

Mibalik si Angel Locsin sa programang It’s Showtime isip temporaryong mohulip kang Vice Ganda kinsa mo-absent og pipila ka adlaw sa maong programa gumikan sa naglinya nga mga show niini sa abroad.

Hurado sa StarStruck

Kuhaon sa GMA-7 si German Moreno isip usa sa mga hurado sa StarStruck. Gikatahong miarang-arang na karon ang kondisyon sa lawas ni Kuya Germs.

Paningkamot gyud Yeng!

Malipayong gilenggua ni Yeng Constantino nga ang pagkat-on og luto maoy usa sa gikabisihan karong panahona. Suma pa ni Yeng nga gilamian ang iyang bana nga si Pastor Yan Asuncion sa giluto niya nga adobong baboy, fried chicken, ug  nilagang manok.

Steven mitrabaho sa TV5 

Aduna gihapo’y kontrata sa GMA-7 ang StarStruck 5 male ultimate winner nga si Steven Silva. Gitugtan si Steven sa iyang mother network nga molugwa sa TV5 partikular na sa usa ka episode sa Wattpad Presents. Matud pa nga wala pa’y proyekto si Steven sa GMA-7 busa gipatrabaho na lang kini sa laing istasyon. 

Dili na mabangbang

Gikalipay og maayo ni Janella Salvador ang maayong istado sa iyang showbiz career ug wala niya damha nga makabaton na siya og kaugalingong fans day. Misamot kasikat si Janella gumikan sa seryeng Oh My G!

Claudine nagpanikad

Gipahibalo ni Claudine Barretto nga malantawan na karong Domingo sa The Buzz ang  one on one interview niya ni  Boy Abunda . Nasayran nga giplantsa na ang pagbalik niya sa showbiz.

Naglikay sa seat 1A

Sukad nahitabo ang panagbikil nila kang Melissa Mendez, naglikay na ang maghigala nga Andrew Wolff ug  Rey Pamaran nga molingkod sa  seat 1A sa eroplano.  Dili gyud sila makalimot sa maong numero sa lingkuranan kung diin maoy ugat nga nasagpaan si Rey ni Melissa.

Vice duna’y BF

Giangkon ni Vice Ganda nga duna siya’y boyfriend apan nagdumili siya sa paghatag sa pangalan niini. Naglikay ang TV host nga masulod sa intriga ang iyang uyab.

Diana  kaslon sunod buwan

Gipahibalo ni Diana Zubiri nga kaslon na sila ni Andrew Smith sunod buwan. Suma pa ni Diana nga dugay na kaayo niya nga gipaabot ang maong butang busa nakahilak siya sa dihang giplano nila ni Andrew ang ilang pagpakasal.

Police kandidato sa Ms. Earth

Final na gyud ang hukom ni Philippine National Police Inspector Sophia Loren Deliu nga mosalmot sa Miss Earth Philippines 2015 .

Siya ang ikaduha nga  police officer nga nisalmot og mga indigay  human sa kalampusan ni  PO2 Niel Perez kinsa maoy nirepresentar sa  Mister International didto sa  Seoul, Korea.

“I guess this will create a big impact, especially to the world of officership kasi ako po ‘yong first lady officer to join such prestigious pageant,” suma pa ni Sophia sa interview niini sa  Aksyon TV.

Gradwado si Sophia sa kursong  BS Tourism Management sa wala pa siya nisulod sa  Philippine National Police Academy sa  Baguio sa miaging tuig.

Aduna siya’y  background sa  modeling ug nakasalmot na siya kaniadto sa  Miss Teen Philippines 2006,ug  Miss Baguio 2008. 

Zayn Malik miundang sa One Direction

Pormal na nga gipahibalo ni Zayn Malik ang hingpit na niya nga pagbiya sa grupong One Direction.

 Suma pa sa 22 anyos nga singer nga gusto lang niya nga malikay sa spotlight ug makatagamtam og pribado nga  kinabuhi.

“My life with One Direction has been more than I could ever have imagined.But, after five years, I feel like it is now the right time for me to leave the band.I’d like to apologize to the fans if I’ve let anyone down, but I have to do what feels right in my heart,”suma pa ni Zayn.

Ang nahibilin nga mga sakop sa One Direction nga sila si Liam Payne, Louis Tomlinson, Niall Horan, ug  Harry Styles nipadayag nga ipadayon gihapon nila ang ilang grupo bisan wala na si Zayn. Ipadayon gihapon nila ang pag-record sa ilang ikalima nga album ug ilang girespeto ang hukom ni Zayn.

 Samtang ang naghulma sa maong grupo nga si Simon Cowell nipadayag nga naguol siya sa hukom ni Zayn apan nagmasaligon gihapon siya nga magpadayon gihapon ang kakusog sa One Direction ug dako ang iyang pasalamat sa singer sa dakong natampo niini sa grupo.

“I would like to say thank you to Zayn for everything he has done for One Direction. Since I first met Zayn in 2010, I have grown very, very fond—and immensely proud—of him. I have seen him grow in confidence and I am truly sorry to see him leave. As for One Direction, fans can rest assured that Niall, Liam, Harry and Louis are hugely excited about the future of the band,” nagkanayon si Simon.

Kahinumduman nga sa wala pa nihukom si Zayn sa iyang pagbiya sa One Direction, wala na kini mopatim-aw sa ilang mga concert tour gumikan kay na-stress kini.

M-Takent tulo ka tuig na!

Tulo ka tuig na ang M-Talent Events and Promotions nga gidumala ni Aida Patana busa pasiugdahan sa maong kompanya ang summer concert tour karong Domingo sa alas 7 sa gabii, March 29 diha sa Minglanilla Sports Complex.

Gibutyag ni Aida dinhi sa Banat News Hugyaw kagahapon nga libre lang ang maong konsyerto gumikan kay giisip niya  kini nga pasalamat gumikan sa kalampusan nga iyang nakab-ot.

Mangulo sa maong concert ang banggiitang singers nga Power Trio nga gilangkoban nila ni Masumay, Sam  Booc, Stephanie “Steph” Mananquil ug  May Ann “May” Mananquil.

Special guest usab nila ang kanhi housemate sa Pinoy Big Brother nga si Manolo Pedrosa.

Molugwa usab sa maong concert ang komedyante nga si Ethel Booba, ang Youtube sensation nga si Chikita ug ang grupong Glam Girls.

Suma pa ni Aida nga dako ang iyang pasalamat sa Kahitas-an gumikan kay nagmalampuson ang pagdala niya og mga artista sa nagkadaiyang kalihukan sa Kabisay-an ug Mindanao.