Julie Anne nakahilak

CEBU, Philippines – Emosyonal si Julie Anne San Jose sa iyang concert niadtong Sabado sa gabii sa SM Mall of Asia Arena. Suma pa sa singer nga nalingaw siya sa pagkanta ug wala maghuna-huna og kompetisyon sa ubang singers. “Hindi po ako nakikipag-kumpitensiya sa iba, gusto ko lang naman po kumanta,” matud pa ni Julie Anne.

Maayong tawo

Gipadayag ni Mariel Nievera nga usa  si Ariel Rivera sa dili niya malimtan nga tawo nga kauban niadto sa ASAP. Suma pa ni Martin nga maayong tawo si Ariel.

Migamit sa family name

Gigamit na  ni Liza Diño ang apelyidoni Aiza  Seguerra sa  iyang  Instagram account. Suma pa ni Liza nga malipayon sila si Aiza busa dili siya magpatandog sa mga pagsaway nga ilang nadawat.

Papel sa amahan

Gipasalig ni Niño Muhlach nga dili siya mahimong stage father sa iyang anak nga si  Alonzo . Suma pa ni Niño nga igo ra siya mohatag og giya niini.

Pribadong relasyon

Gusto ni  KC Montero nga dili hisgotan ang iyang girlfriend nga si Stephanie Dods kung dunay mga presscon.  Suma pa ni KC nga pribado ang ilang relasyon .  “I love her more than pizza,” hirit pa niya.

Extended

Mapasalamaton si Donita Rose sa  GMA-7 gumikan kay extended hangtud sa Enero 2015 ang show niya nga Basta Every Day Happy. Panghinaut ni Donita nga magdugay kini sa kahanginan.

Kris kontento sa iyang dagway

Tsika pa ni  Kris Aquino nga wala siya’y plano nga iparetoke ang bisan unsa nga parte sa iyang nawong. Kontento na ang TV host sa iyang hitsura.

Kean mibalik sa TV5

Mibalik na sa TV5 si Kean Cipriano human sa pila ka tuig niya nga pagtrabaho sa ABS-CBN. Kahinumduman nga nagsugod ang acting career ni Kean sa TV5 pinaagi sa programang BFGF ug nitikang dayon kini sa ABS-CBN ug nalakip sa ASAP 19 ug  Banana Split. Makita karon si Kean sa  Wattpad Presents: Game of Love sa TV5.

Wish ni Michelle

Karong Pasko, usa ra gyud ang wish ni  Michelle Liggayu. Kini mao ang kaayohan sa iyang boyfriend nga si  Jam Sebastian nga naghambin og lung cancer. Ang duha nailhan sa kadaghanan isip Jamich.

Aya mibalik sa showbiz

Mibalik na sa pag-arte si Aya Medel pinaagi sa usa ka episode sa programang Magpakailanman sa GMA-7. Kahinumduman nga nawala si Aya og pipila ka tuig sa showbiz gumikan kay na-busy kini sa iyang negosyo nga restaurant.

Tubig ang panagang

Gibutyag ni Kris Aquino nga lima ka litro nga tubig ang imnon niya matag adlaw aron magpabiling himsog ang iyang lawas. Suma pa sa TV host nga naglikay siya nga masakit aron dili maapektohan ang iyang mga trabaho.

Special guests

Nag-Christmas party  ang mga kompanya ni TV5 Chairman Manny V. Pangilinan  sa Hong Kong dili pa lang dugay ug sila si Ogie Alcasid ug  Derek Ramsay maoy special guests.

Sekreto para bibo

Gisekreto ni Dingdong Dantes kung pila ang iyang share isip co-producer sa pelikulang Kubot: The Aswang Chronicles 2.  Nasayran nga duna pa gyu’y  ikatulong hugna ang maong pelikula nga himoon sunod tuig.

Lahi ang estilo

Gitataw ni Mike Tan nga lahi-lahi sila og estilo ni Aljur Abrenica busa dili siya komportable  kung dunay mosugilon kaniya nga matud pa siya ang  sumusunod sa nabiyaan nga torno sa aktor.   “Palagi ko namang sinasabi na magkaiba kami ng market ni Aljur. Magkaiba kami ng specialty or field. Si Aljur, mas entertainer, siguro ako mas sa pag-arte,” suma pa ni Mike.

Pahinugod sa ex-girLfriend

Gibutyag ni Aljur Abrenica nga duna siya’y gibuhat nga kanta alang sa iyang ex-girlfriend nga si Kylie Padilla. Giingong malakip kini sa bag-o niya nga album nga nag-ulohan og Mahal Pa rin Kita.

Angel gipasidunggan

Gipasidunggan si Angel Locsin sa  KAKAMPI o  Kapisanan ng mga Kamag-anak at Migranteng Manggagawang Pilipino, Inc. isip best actress gumikan sa iyang role sa serye niadto sa  The Legal Wife. Suma pa nga nahatagan gyud ni Angel  og hustisya ang iyang role isip babaye nga dunay badlungon  nga bana.

Gangster Lolo mosikad karong Miyerkules

Malantawan na  nationwide karong Miyerkules, December 17 sa mga sinehan sa SM ang comedy film nga Gangster Lolo.

Ang maong pelikula gibidahan nila ni Leo Martinez, Bembol Roco, Rez Cortez, Soxie Topacio ug Pen Medina.

Nasayran nga  ang banggiitang direktor ga si William G. Mayo maoy nagdumala niini busa gipaabot nga mahugyaw gyud ang molantaw niini.  Nalakip usab sa maong pelikula mao ang Sugbuanon nga si Stephanie Patana Mananquil .

“Nihangyo ko sa mga Cebuano nga mo-support sa movie. Segurado ko nga malingaw gyud mo kung motan-aw mo ani,” suma pa ni Stephanie sa dihang nahinabi sa Banat News kagahapon.

Sakop usab si Stephanie sa grupong Power Trio nga   gihuptan sa  M-Talents Events and  Promotions nga gidumala sa iyang inahan nga si Aida Patana.

Andi gisapot ni Jake

Gikatahong gisapot og samot si Andi Eigenmann sa dihang nakalantaw sa laing hulagway sa iyang ex-boyfriend nga si Jake Ejercito uban kang KC del Rosario. Sa maong hulagway , naghagwaay ang duha ilalom sa habol. Gipanglantawan nga hanap na nga magkabalik sila si Andi ug Jake.  Kahinumduman na nga makapila na ka higayon nga magbalik ang duha apan magbuwag ra usab og balik.

Vice nagpasalamat sa bashers

Gibutyag sa komedyanteng TV host nga si  Vice Ganda  nga angayan pasalamatan ang bashers gumikan kay mao kini ang mga  nagpaklaro kaniya nga maayo diay siya nga tawo.

"Nasubukan niyo na bang magpasalamat sa taong nanakit sa inyo? Nasubukan niyo na bang magpasalamat sa taong nagpaluha sa inyo? Nasubukan niyo na bang magpasalamat sa mga taong naging sanhi ng sugat sa mga puso niyo? Dapat. Dapat magpasalamat rin tayo sa kanila. Dahil 'yung mga taong nanakit sa atin, 'yan 'yung nagpatunay na tayo ay mabubuting tao. Higit na mabuti kaysa sa kanila," nagkanayon si Vice. Kahinumduman nga giulan og intriga si Vice kaniadto apan wala gyud matandog ang TV host.

Miley nalandig sa tambalanan

Nalandig sa tambalanan sa miaging adlaw ang sikat nga singer nga  si Miley Cyrus gumikan kay matud pa nagngulngul ang iyang pulso gumikan sa samad.

Bisan paman sa iyang sitwasyon, dali nga nag-selfie si Miley sulod sa hospital room.

Tak-om lang ang singer sa tsismis nga matud pa misuway kini og hikog.