Wala pa kahukom
CEBU, Philippines – Onse ka tuig na ang relasyon nila ni Aubrey Miles ug Troy Montero apan wala pa gyud masulod sa ilang huna—huna nga magpakasal. “Kung mag-decide kaming magpakasal ni Troy, kailangan na maging American citizen ako at kailangan tumira kami sa U.S. Paano na ang work ni Troy dito? Paano rin ang negosyo namin dito? ,” tsika pa ni Aubrey ngadto sa PEP.
Daniel matinabangon
Giklaro ni Kathryn Bernardo nga na-conflict sa lain niya nga lakaw ang charity basketball game ni Daniel Padilla sa miaging adlaw busa wala siya makalantaw niini. Misaludo si Kathryn kang Daniel gumikan kay aktibo gyud kini sa mga kalihukan nga makatabang sa ilang isigkatawo.
PahinuNgod sa inahan
Seryoso na si Sharon Cuneta sa plano niya nga magpaniwang gumikan kay mao kini ang gusto sa mipanaw niya nga inahan nga si Elaine. Tsika pa sa mega star nga sa dihang buhi pa ang iyang inahan, kanunay gyud kini mutambag kaniya nga magpa-slim.
Emosyonal
Nakahilak ang hinigugma ni Yeng Constantino nga si Yan Asuncion sa dihang gikanta na sa singer ang latest single niini nga “Ikaw” sa ICON concert niadtong Biyernes sa Smart-Araneta Coliseum . Espesyal kaayo sa duha ang maong kanta gumikan kay nagpakita kini sa ilang pre-nup sessions ug ubang eksena niini gi-shoot sa Coron, Palawan.
Magpinasayloay
Tsika pa ni Erich Gonzales nga luyo sa kamera, magpinasayloay gyud sila ni Kaye Abad sa usa’g-usa inigkahuman sa sinagpaay nila nga eksena sa seryeng Two Wives gumikan kay dili gyud malikayan nga makusog nila usahay ang pagsagpa. Giangkon ni Erich nga duna’y mga higayon nga maka-feel siya og sakit sa aping apan nakasabot ra siya niini gumikan kay parte naman kini sa ilang trabaho.
Magpasko sa Amerika
Sa Amerika magsaulog sa Pasko ang engaged couple nga sila si Heart Evangelista ug Senador Chiz Escudero. Kauban usab nilang duha ang duha ka mga anak sa senador nga suod kaayo ni Heart.
Sa London nagsaulog
Bisan tua sa laing dapit, , malipayon nga gisaulog ni Valerie Weigmann ang iyang 25h birthday didto sa London kagahapon. Gikantahan og “happy birthday” si Valerie sa ubang mga kandidata sa Miss World 2014 ug gidalitan usab siya og cake.
Misuporta ni Pacman
Nilantaw ang pipila ka local celebrities sa Pacquiao-Algieri fight kagahapon didto sa Macau. Pipila niini mao sila si Philip Salvador, Andrew E, Cavite Vice Governor Jolo Revilla, ug Hayden Kho.
Kris gitambagan ni Bimby
Gitambagan si Kris Aquino sa iyang anak nga si Bimby nga mogahin og igong oras nga ipahuway ang iyang lawas. Giingong adunay mga higayon nga buntag na mouli si Kris gumikan sa shooting sa pelikulang Feng Shui ug naabtan siya ni Bimby nga nagluya ang iyang dagway.
Pag-sure diha Geoff!
Mihatag og paliko-liko nga reaksyon si Geoff Eigenmann ngadto sa gidungog nga relasyon sa iyang ex-girlfriend nga si Carla Abellana ngadto sa laing Kapuso star nga si Tom Rodriguez . “Kung saan sila masaya. I guess, yun lang yun. “Ako, I’m happy. Wala akong nasasaktan,” suma pa sa aktor.
Tambongan ni Direk Dominic
Tambongan gyud ni Direk Dominic Zapata ang 2014 International Emmy Awards didto sa New York aron mohatag sa iyang mainitong suporta sa serye niya nga My Husband’s Lover nga nominado sa Telenovela category. Nananghid na siya daan sa GMA-7 nga mawala siya og pipila ka adlaw sa taping sa seryeng Hiram na Alaala aron lang gyud makatambong sa maong kalihukan.
Mopirma karon
Nanamilit na si Isabelle Daza sa mga kadagkoan sa GMA-7 sa miaging semana ingon man usab sa mga kaubanan niya sa Eat Bulaga ug gikatakda siya nga mopirma og kontrata karong adlawa sa ABS-CBN. Nagpasalamat hinuon si Isabelle sa GMA-7 gumikan kay mao kini ang unang naghatag kaniya og break sa showbiz. Malakip si Isabelle sa bag-ong serye sa ABS-CBN nga Nathaniel.
Heart nayayay
Ni-post og hulagway si Heart Evangelista sa Instagram kagahapon nga naa siya sa tambalanan. Giingong naglain ang lawas sa aktres hinungdan nga nalandig siya sa tambalanan. Wala pa hinuon gidetalye Heart kung unsa ang iyang sakit.
Tipik sa kagahapon
Kantahon nila ni Pops Fernandez ug Martin Nieverra sa umaabot nila nga concert sunod buwan ang mga theme song sa ilang relasyon kaniadto. Gikahinaman na sa ilang fans ang subli nila nga panag-uban sa entablado.
Magpares og balik
Banhawon sa TV5 ang tandem nila ni Mark Neumann ug Shaira Mae dela Cruz ug magpares ang duha sa sequel sa Wattpad Presents Mr. Popular Meets Nobody Book 2 nga malantawan sugod karong gabii.
Maghudyaka sa Pasko
Gipadayag ni Derek Ramsay nga seguradong magmalipayon siya karong Pasko gumikan kay iyang makauban ang anak niya nga si Austin. Suma pa ni Derek nga malinawon sila nga nagsabot ni Mary Christine Jolly kalabot sa paggahin og oras sa ilang anak.
Tourist attraction na
Gibisita na sa bagang dout sa mga tawo ang mga lugar sa Baguio City kung diin gihimo ang pipila ka mga eksena sa seryeng Forevermore sa ABS-CBN. Nagsilbi na kini nga tourist attraction sa maong dapit.
Naglikay sa gubot
Ang grupo na lang ni Vhong Navarro ang nilikay human nagkaabot sila ni Cedric Lee sa bag-ong bar sa The Fort sa milabay nga gabii. Naglikay sa gubot si Vhong busa kini na lang ang boluntaryong nigawas sa bar.
Tambag ni Kuya
Gipasidan-an ni Gerald Anderson ang manghod niya nga nag-artista nga si Ken Anderson nga iandam na lang gyud daan ang iyang kaugalingon sa mga posibleng intriga. Gitabangan ni Gerald ang iyang manghod pinaagi sa paghatang og tips alang sa sakto nga pag-arte.
Maricel-Herbert movie
Nagplano karon ang Viva Films nga mogama og pelikula nga pagabidahan nila ni Maricel Soriano ug Quezon City Mayor Herbert Bautista. Si Andoy Ranay maoy director niini.
Christian ug Nikki nag-duet
Adunay special partisipasyon si Nikki Gil sa latest album ni Christian Bautista. Si Nikki maoy ka-duet ni Christian sa awit nga Come What May.
Simple nga kasal
Dili gusto sila si John Prats ug Isabel Oli nga engrande ang ilang kasal sunod tuig. Suma pa sa duha nga ganahan lang sila og simple ug “intimate” ang ilang kasal nga himoon sa usa ka resort sa Batangas nga gipanag-iya sa pamilya sa aktor.
Gab consultant ni Beyonce
Usa si Gab Valenciano sa gihimong creative consultant sa grupo sa international singer nga si Beyonce kalabot sa latest music video niini nga nag-ulohan og “7/11”.
Ang ideya sa pipila ka mga eksena sa bag-ong music video ni Beyonce gibasehan sa hugyaw nga selfie video ni Gab nga gipistahan niadto sa mga social networking site.
Nagkanayon si Gab nga gisuginlan sa siya sa grupo ni Beyonce nga matud pa nakakita gyud kini sa iyang video kaniadto.
Baby girl gipangandoy ni Cristine
Nanghinaut si Cristine Reyes nga usa ka baby girl ang iyang gisabak karon ug excited na kaayo siya makakita sa hitsura niini.
Suma pa sa aktres nga dugay na niya nga gipangandoy nga makabaton og anak nga babaye ug naghuna-huna pa siya sa mahimong pangalan niini.
“Masaya ako. Napakahilig ko sa bata, at least now I have my own,” suma pa ni Cristine.
- Latest