Wala’y love team nga forever

CEBU, Philippines - Gibutyag ni Kathryn Bernardo nga andam siya sa posibilidad nga ipares sila ni Daniel Padilla sa laing artista kay matud pa niya wala’y love team nga “forever”. Si Kathryn makita karon sa “Wansapanataym” kauban si Khalil Ramos.

Xian kugihan

Midayeg si Carmina Villaroel sa pagkakugihan ug pagkaseryoso ni Xian Lim sa iyang trabaho. Ang duha parehong apil karon sa umaabot nga teleserye sa ABS-CBN nga “Bridges.”

Ejay nangandam

Gibutyag ni Ejay Falcon nga andam siyang magpa-sexy sa umaabot nga Pinoy adaptation sa teleseryeng “Passion de Amor”. Nasayran nga dunay mga init nga eksena ang maong serye. Makauban niya dinhi silang Jake Cuenca, Joseph Marco, Ellen Adarna, Coleen Garcia ug Arci Muñoz.

Jennica sa Ipaglaban!

Mulugwa ang kanhi Kapuso aktres Jennica Garcia sa ABS-CBN pinaagi sa episode sa Ipaglaban Mo  karong adlawa kung diin makauban niya sila si  Mylene Dizon ug John Medina. Taudtaud na nga wala’y kontrata si Jennica sa GMA-7 busa mahimo na kini nga makatrabaho sa laing network. Si Jennica modala sa papel nga illegitimate nga anak sa namatay nga pari.

Christian kontento sa GMA

Gibutyag ni Christian Bautista nga wala siya magmahay nga nibalhin siya sa GMA 7 gumikan kay aduna siya’y daghang proyekto karun sa Kapuso network. Si Christian makita karon sa Sunday All Stars, Marian ug Strawberry Lane.

Simple nga kasal

Giingong simple ug intimate lang ang tema nga gusto sa engaged-couple nga si Isabel Oli ug John Prats sa ilang umaabot nga kasal sunod tuig. Kini sukwahi sa nahitabong bonggang proposal ni John niadtong Septyembre.

Wala’y gap

Gibutyag ni Rita de Guzman nga wala sila’y gap ni Julie Ann San Jose kinsa aduna’y umaabot nga major concert karong December 13. Si Rita ug Julie Ann parehong nisalmot niadto sa Pop Star Kids sa GMA 7 kung diin si Rita ang nakadaug.

Pahasubo ni Valerie

Mipadayag sa iyang pahasubo si Miss World Philippines 2014 Valerie Weigmann  ngadto sa mga kabanay sa namatay sa  beauty queen nga si Maria Jose Alvarado, kinsa maoy kandidata sa Honduras sa umaabot nga Miss World 2014.

Midawat sa kamatuoran

Gibutyag sa bangiitang direktor Wenn Deramas nga dili para kaniya ang same-sex marriage ug nga nadawat niya kini gumikan kay naa man  siya nagpuyo sa Pilipinas .

Type ni Ken

Gibutyag sa Kapuso aktor-singer nga si Ken Chan nga crush niya silang Rhian Ramos ug ang nagkasikat  na nga aktres sa ABS-CBN nga si  Liza Soberano.

(John Dante N. Obeso USJ-R – MassComm Intern)