Oras sa uyab
CEBU, Philippines - Malipayon si Jasmine Curtis Smith gumikan kay duna na siya’y igong oras karon sa iyang boyfriend nga si Sam Concepcion. Nakat-on siya niini human siya gitudloan sa iyang manager sa saktong pagbalanse sa iyang oras.
Susama og titulo
Sila si JC de Vera ug Jessy Mendiola maoy mag-uban sa upcoming series sa ABS-CBN nga Never Say Goodbye. Susama kini sa titulo sa serye niadto sa TV 5 nga gibidahan nila ni Vin Abrenica ug Sophie Albert.
Magpabilin sa puwesto
Motungtong na sa edad nga 60 anyos sunod tuig ang presidente sa ABS-CBN nga si Charo Santos ug wala pa kini plano nga moretiro gumikan kay abtik matud pa ang iyang lawas.
Lisod ibalik
Gipadayag ni Geoff Eigenmann nga hanap na ang posibilidad nga mahigala pa niya og balik ang iyang ex-girlfriend nga si Carla Abellana gumikan kay nagkainit na gyud ang ilang engkwentro sa social media. “I don’t think it will happen. Not anytime soon for sure. I don’t know,” suma pa ni Geoff.
John sa Magpakailanman?
Ang programang Magpakailanman maoy unang proyekto ni John Prats kung madayon ang pagbalhin niini sa GMA-7. Nagduha-duha matud pa si John sa pagdawat niini gumikan kay dili komportable sa role nga gihatag kaniya.
Umaabot nga big star
Dako ang pagtuo ni Ogie Alcasid nga mahimong big star puhon ang iyang alaga nga si Empoy. Kahinumduman nga gilusad ni Ogie dili pa lang dugay ang iyang talent agency nga A-Team ug uban niya nga mga alaga mao sila si Lara Maigue, Davey Langit, ug QYork.
Nabatyagan dayon
Dako ang kalipay ni Andre Paras gumikan daghan dayon ang nakabatyag kaniya bisan pa man nga bag-o pa siya sa showbiz. Usa si Andre sa nominado sa Best New Male Personality category sa Star Awards for Television.
Best in uban
Giubanan ni Carla Abellana si Tom Rodriguez sa pagpa-check up niini sa doktor sa miaging adlaw. Wala pa gyud mohatag og katin-awan ang duha sa tinud-anay nila nga istado.
Kusinero sa balay
Tsika pa ni Marvin Agustin nga iyaha gyud nga gi-apply ang talent niya sa pagluto ug siya gyud ang mangunay og luto sa pamahaw sa iyang mga anak nga kaluha nga sila si Sebastian ug Santiago.
Tulo ka anak
Target nila ni Zanjoe Marudo ug Bea Alonzo nga makabaton og tulo ka anak sa higayon nga magminyo na sila puhon. Apan dugay pa kini nga mahitabo gumikan kay wala pa sila’y plano nga magpakasal.
- Latest