Jolina- Marvin tandem banhawon sa ABS-CBN

CEBU, Philippines – Giingong segurado na gyud ang pagbalik  nila ni Marvin Agustin sa ABS-CBN ug malakip ang duha sa umaabot nga serye nga Flordeliza nga maoy mohulip sa timeslot sa Be Careful With My Heart nga mahuman karong November 28.

Suma pa nga taud-taud na nga gipangulitawhan sa Dos sila si Marvin ug Jolina gumikan kay giisip ang duha nga kanhi big stars sa ABS-CBN niadto.

Kahinumduman nga nagbaha ang dakong proyekto nila ni Jolina ug Marvin sa ABS-CBN niadto sa wala pa mobalhin ang duha sa GMA-7.

Kylie bida sa Chinoy

Si  Joey Reyes maoy direktor sa sunod nga pelikula ni Kyle Padilla sa Regal Films nga  Chinoy. Malipayon si Kylie sa nagsagunson niya nga project sa maong movie outfit.

Mag-una og hisgot

Gikataw-an pag-ayo si Katrina Halili sa iyang mga kritiko gumikan kay kanunay kini moingon nga dili na siya ganahan motubag sa pangutana  kalabot sa breakup nila  ni  Kris Lawrence apan siya ra pud ang unang mohisgot niini.

Naimpas na gyud

Nagpasalamat ang pamilya ni anhing  Tia Pusit sa tanang nitabang aron mabayran nila ang bill sa tambalanan nga moabot ngadto sa P1.5 million. Kahinumduman nga nipasiugda og concert for a cause ang mga higala sa komedyanteng aktres.

Padayon ang bonding

Bisan taud-taud na nga  wala na si  Ogie Alcasid sa Bubble Gang, nakig-bonding gihapong ang singer sa mga kaubanan niya sa maong show. Misalmot si Ogie sa basketball game matag Domingo nga gi-organize ni Michael V.

Solenn mitingog na

Gihimakak ni Solenn Heussaff  nga matud pa nagbinayloay sila niadto og text messages sa kanhi hinigugma ni  Derek Ramsay nga si Mary Christine Jolly. Subling giklaro ni Solenn nga wala gyud siya masayod nga minyo diay si Derek sa dihang nagkauyab sila niini.

Deretsohay ang tubag

Nakadayeg kang Kylie Padilla ang pipila ka reporters gumikan kay deretsohay kini nga motubag sa pangutana. Giangkon ni Kylie nga nasagmuyo siya sa nahitabo karon sa career sa iyang ex-boyfriend nga si Aljur Abrenica.  Kahinumduman  nga nahupas ang career ni Aljur human niya gikontrahan ang GMA-7. "Sana maging maayos ang pagtatapos ng kaso. Bilang kaibigan nag-aalala ako sa sitwasyon niya," suma pa ni Kylie.

Ganahan mag-artista

Pangandoy sa Gandang Lalake grand winner sa It's Showtime nga si Nikko Seagal nga mag-artista aron makatabang siya sa iyang pamilya.  Masaligon si Nikko nga dakong instrumento ang kadaugan niya sa maong kompestisyon aron matuman ang iyang gipangandoy.

Isyu nahupas na

Human naangkon ni Valerie Weigmann ang titulong Miss World-Philippines 2014, natuldokan na pud ang tsismis nga matud pa nagsabak siya. Kahinumduman nga niulbo ang maong isyu sa dihang temporaryo siya nga mibiya sa Eat Bulaga aron maka-focus sa nahisgutang indigay.

Pribadong relasyon

Gusto ni Nikki Gil nga himoong pribado ang iyang lovelife. Suma pa sa singer nga kontento na siya karon sa iyang non-showbiz boyfriend.  "It's about time na maging masaya na ako, 'di ba?," suma pa ni Nikki.

Suportado ni Angel

Malipayon si  Angel Locsin alang sa iyang ex-boyfriend nga si Phil Younghusband kinsa gidungog nga uyab karon ni  Bangs Garcia. "I am happy for him dahil naka-move on na siya," suma pa ni  Angel .

Dakong selebrasyon

Magsaulog na si Coco Martin sa iyang birthday karong November ug gipaabot ang dako nga selebrasyon niini gumikan kay naatol usab kini sa iyang 10th anniversary sa showbiz. Suma pa ni Coco nga niresulta gyud ang iyang paningkamot busa iyaha gyud nga ampingan ang iyang showbiz career.

Martin andam magpa-sexy

Andam na si Martin del Rosario nga modawat og  sexy role. Suma pa sa aktor  nga dili sa tanang panahon nga kutob ra siya sa pagpa-cute atubangan sa kamera.

Surprise

Gisurpesa ni Rachelle Anne Go si  Christian Bautista pinaagi sa usa ka recorded  birthday greetings  sa Sunday All Stars kagahapon ug duna kini pakapin nga mensahe nga nagkanayon, "See you soon sa London!."

Dakong balay

Todo paningkamot karon si Kim Chiu gumikan kay target niya nga magpatukod og bag-ong balay nga dako pa sa kasamtangan niya nga gipuy-an karon. Dako ang pasalamat ni Kim sa ABS-CBN gumikan kay wala gyud mabakante ang iyang career.

Enrique ug Liza nakulbaan

Ang seryeng  Forevermore nila ni Enrique Gil ug Liza Soberano maoy mohulip sa timeslot sa Ikaw Lamang nga mahuman na karong October 24. Nakulbaan sila si Enrique ug Liza gumikan kay nasayod sila kung unsa kalig-on ang pulihan nila nga serye.