Toni ug Alex mag-showdown

CEBU, Philippines - Tsika pa ni Toni Gonzaga nga usa sa angayan atangan sa iyang major concert karong October 3 sa Mall of Asia Arena mao ang showdown nila sa iyang igsuon nga si Alex.  Giingong dili mauwaw si Alex gumikan kay iyaha raman sad kini nga idalit alang sa iyang ate Toni.

Rayver nataypan ni Kylie

Gipadayag ni Kylie Padilla nga hagbay ra niya nga gikalimtan ang iyang ex-boyfriend nga si Aljur Abrenica. Giangkon pud sa aktres nga type niya ang kauban niya sa pelikulang Dilim nga si Rayver Cruz apan iyang giklaro nga dili pa siya andam mosulod pagbalik og seryosong relasyon.

Mibalik sa ilaha

Gibutyag ni Jessy Mendiola nga nibalik na sa Colombia ang foreigner niya nga suitor nga si Sebastian Gasca. Wala pa'y ideya si Jessy kung kanus-a sila magkabalik og kita niini.

Naputol ang komunikasyon

Giklaro ni  Dennis Trillo nga wala na sila'y komunikasyon sa iyang ex-girlfriend nga si Cristine Reyes busa dili siya makahatag og komento sa tsismis nga matud pa nagsabak ang aktres.

Tsismis lang

Dili matud pa tinuod ang niulbo nga report nga matud pa gitanyagan og proyekto sa GMA-7 ang mega star nga si Sharon Cuneta. Kahinumduman nga nihawa na si Sharon sa TV5.

Gibabagan

Giingong gidid-an na sa ABS-CBN si Daniel Padilla nga maka-guest sa programang Walang Tulugan sa GMA-7.  Nasayran nga gihimong guest si Daniel kaniadto sa maong programa sa dihang dili pa kini sikat.

Dennis motikang sa Dos

Himoong special guest ang Kapuso star nga si Dennis Trillo sa Aquino & Abunda Tonight  sa ABS-CBN aron i-promote ang pelikula niya nga The Janitor.  Malipayon si Dennis gumikan kay gitugtan ra siya sa GMA-7 nga maka-guest sa laing network.

Manolo gisaway

Naputos sa mga saway ang nadawat ni Manolo Pedroza gikan sa netizens niadtong Sabado sa gabii gumikan kay matud pa gauga ang iyang inartehan sa Maalaala Mo Kaya. Nisugyot ang pipila niya ka mga kritiko nga angayan nga ipaubos si Manolo sa lapad nga acting workshop.

Gimingaw sa mga kauban

Target ni Apl.de.Ap nga makadiskubre og dugang mga tawo nga dunay hugyaw nga talento sa pagkanta busa nibalik siya isip coach sa bag-ong  season sa "The Voice Philippines" sa ABS-CBN.  Gimingaw na usab siya sa mga kaubanan niya sa maong show.

Isabelle na-crush ni Bamboo

Giangkon ni Isabelle de Leon nga na-crush siya ngadto kang Bamboo Manalac. Matud pa sa aktres nga ganahan siya sa singer gumikan kay mapaubsanon kini nga pagkatawo.

Christian ganahan na magminyo

 Nilapas na sa kalendaryo ang edad ni Christian Bautista busa ganahan na gyud magminyo ang singer.  Matud pa niya nga dili kini mahitabo gumikan kay wala pa gyud siya nakakaplag og hinigugma.

Walo ka obispo

Muabot ngadto sa walo ka obispo ang mokasal nila ni Marian Rivera ug Dingdong Dantes karong Disyembre 30. Giingong magbaha ang ilang mga bisita.

Ted motigi kang Herbert?

Gihugon-hugon nga muatbang si Ted Failon kang  Quezon City Mayor Herbert Bautista karong  2016 election. Tak-om lang si Ted sa maong nigawas nga taho.

Bata pa og dagway

Tsika pa ni Sheryl Cruz nga 40 anyos na siya ug dili niya ikauwaw ang iyang edad. Mapasigarbuhong gibutyag sa aktres nga wala gyud siya makasuway og paretoke sa iyang nawong apan bata gihapon siya og dagway.  "I am just blessed with good skin at inaalagaan ko naman ito," tsika pa ni Sheryl.

Joyce nabag-ohan sa role

Giangkon ni  Joyce Ching nga nabag-ohan siya sa iyang role sa seryeng  Strawberry Lane sa GMA-7 gumikan kay buotan siya dinhi.  Nasayran nga nagsagunson ang karakter niya nga kontrabida sa mga nangagi niya nga serye sa iyang mother network. (Sanden J. Anadia)

Robin nag-sorry sa Kathniel fans

Nangayo og pasaylo si Robin Padilla ngadto sa fans nila ni Kathryn Bernardo ug Daniel Padilla gumikan kay  dili nila matuman ang mga sugyot nga malakip sa pelikula niya nga "Andres Bonifacio, Unang Pangulo ang nahisgutan nga aktor ug aktres.

Suma pa sa aktor nga ganahan gyud unta siya maapil  ang Kathniel sa iyang pelikula  apan nasuta niya  nga dili diay mahimo sanglit nalakip naman si Kathryn sa laing pelikula nga entry pud sa Metro Manila Film Festival.

Coleen nadamay sa isyu

Gihimakak ni Billy Crawford ang bag-ong istorya nga nikatap nga matud pa nga ang uyab niya nga si Coleen Garcia maoy usa sa hinungdan kung nganong nagmaoy ug nagpalabi  siya og inom  sa  miaging semana nga miresulta na hinuon sa  iyang pag-panghagis sa usa ka police station.

Nanawagan si Billy sa publiko nga dili unta damayon ang iyang uyab sa isyu nga iyang giatubang.

Suma pa sa singer-TV host nga siya ra'y mabasol sa iyang pagkahubog busa panghinaut niya nga mahunong na ang pagsige og hisgot sa iyang nahiaguman.   "Tama na, move on! ," hirit pa ni Billy.

Beyonce nagsabak?

  Gisumsuman karon ang report nga matud pa nga nagsabak ang international singer nga Beyonce alang sa ikaduhang anak nila ni Jay-Z.

Sa concert nila sa Paris niadtong Biyernes sa gabii, nipadayag si Jay-Z nga nangandam  na sila ni Beyonce alang sa lain pa nila nga bata.

Wala hinuon giklaro ni Jay-Z  kung unsa ang pasabot sa gilitok niya nga linya apan ang mga tawo nakaingon nga posibleng nagsabak gyud si Beyonce.

Tua sa Paris ang duha alang sa duha nila ka gabii nga On the Run tour concert. Nagdumili hinuon sa paghatag og komento ang mga suod nga higala nila ni Beyonce ug Jay-Z kalabot sa maong taho.