Pambato sa TV5

CEBU, Philippines - Human sa Madam Chairman ni Sharon Cuneta, himuon niya para sa TV5 ang tawa-serye nga “My Pirated Family.” Aduna pud siya’y weekly drama anthology, ang “Minamahal.” Samtang balik sa first love (dancing) si Representative Lucy Torres isip host sa reality-show “Celebrity Dance Battle.

My Pretty Little Liars

Adunay Pinoy adaptation ang TV5 sa US series nga “My Pretty Liars.” Pagabituonan kini nila ni Sophie Albert, Chanel Morales, Stephanie Rowe ug Daniel Lee (manghud ni Divine Lee). Sa April 2014 kini isalida.

Bahala na nang award

Mas importante para kang Robin Padilla nga mukita ang iyang Metro Manila Film Festival entry nga 10,000 Hours kaysa makadaog siya og acting award. Suma pa ni Robin nga ipalabi na lamang matud pa ang acting award ngadto sa mga batan-on.

Paningkamot Kris

Best in research na ang beauty ni Kris Aquino isip pagpangandam sa iyang umaabot nga role sa Hacienda Luisita isip board member. Matud ni Kris nga nagdukiduki siya karon kabahin sa panguma pinaagi sa pagsalmot og nagkadaiyang seminars. Tinguha niini nga matarong niya ang iyang mga responsibilidad isip labing bag-ong board member sa hacienda.

Labing lisud nga role

January 27, 2014 ang target airing sa “Carmela” nga bituonan ni Marian Rivera para sa GMA Telebabad.Nag-taping na sila og sugod kagahapon ubos sa direksyon ni Dominic Zapata. Suma pa ni Marian mao na kini ang labing challenging niya nga role sa teleserye, heavy drama nga gipangandaman gyud niya og maayo.

May na lang gyud

Nahadlok diay si Alden Richards sa sinugdanan dihang gitanyagan siya sa role nga young Robin Padilla sa Metro Manila Film Festival entry 10, 000 Hours. Nakuyawan siya nga dili niya mahatagan og hustisya ang gipangayo sa character. Maayo na lang kay nausab ang iyang hunahuna ug gidawat gyud niya ang tanyag. Kay kun wala pa, sigurado matud pa nga magmahay siya kay nindot matud pa ang resulta sa iyang paghago alang niining maong pelikula.

Nabungog sa sagpa

Nabun-og ang aping ni Charee Pineda sa makusog nga sagpa ni Lovi Poe ngadto niya sa usa nila ka eksena sa GMA-7 primetime series ‘Akin Pa Rin Ang Bukas.” Matud ni Charee gamay matud pa si Lovi busa wala siya magdahom nga labihan ka kusog niini musagpa. Supak man gud matud pa ang ilang director nga si Laurice Guillen nga ilang ipiki ang maong eksena kay kun dili maayo ipabalik ra gihapon niini og himo ang maong confrontation scene.

Inspired diay

Fil-Italian newscaster ang uyab karon ni Baron Geisler nga ginganlan og Isabelle Cantu. Suma pa ni Baron nga inspirasyon niya karon si Isabelle ug mapasalamaton siya niini sanglit nagsilbi kini nga iyang giya aron dili na magnilabad ang iyang kinabuhi. Ang dalaga matud pa ang rason nganong nagtarong na siya karon sa iyang kinabuhi.

Christmas Party

Human sa hearing sa kaso may kalabutan sa kustodiya sa ilang mga anak ni Claudine Barretto, milugwa si Raymart Santiago sa Christmas party sa mga Barretto nga gipasiugdahan ni Gretchen uban sa iyang mga igsuon nga sila si JJ ug Marjorie. Natribukar kini pinaagi mismo sa hulagway nga gi-upload ni Gretchen sa iyang Instagram account niadtong Huwebes.

Dili kabentahaan ang Pagpag!

Gipadayag ni Kathryn Bernardo nga “confident” siya sa tsansa sa ilang pelikula ni Daniel Padilla, ang ‘Pagpag” sa higayon nga makigsungag na kini sa uban pang entries sa Metro Manila Film Festival karong December 25. Suma pa ni Kathryn confident siya gumikan kay gihaguan nila ni Daniel og maayo ang maong pelikula.

KC nalipay para ni Direk Lino

Mipadayag sa iyang kalipay para sa iyang kanhi hinigugma nga si Representative Lino Cayetano ang actress/TV host/product endorser nga si KC Concepcion.

Nasayran nga kaslunon na si Cayetano karong buwana ngadto sa kanhi Ateneo star volleyball player nga si Fille Cainglet.

Nagkarelasyon kaniadto sila si KC ug Lino human usab sa panagbuwag sa director ug karon kongresista ug sa TV host nga si Bianca Gonzales.

Atol sa usa ka pocket interview, si KC nagkanayon, “I’m happy for him na, finally, nakahanap siya ng babae. “Siguro nahanap na rin ang katapat niya. Nakahanap siya ng match para sa kanya.

"I’m happy for him."

Gipaabot na matud pa niya nga muabot kining maong senaryo sa kinabuhi ni Lino.

“I was waiting for the time na talagang makahanap siya ng pakakasalan niya.

“Lalo na ngayon, may posisyon na siya sa politics.

“So, kailangan niya rin ng partner na susuportahan siya, kasi siguro, stressful din naman sa politics.”

Siya sa iyang bahin wala pay plano nga magpakasal sanglit buot pa niya nga mutungha pagbalik ug mu-travel.

Sam mas malipayon, malaumon!

Bisan pa man og wala siya nagmalampuson nga makasulod sa Hollywood, gipadayag ni Sam Milby nga malipayon gihapon siya sa iyang career sa iyang pagbalik dinhi sa nasud. Kini kay nabatyagan niya nga gihatagan siya sa ABS-CBN og proyekto nga buot gayud niyang himuon.

"I am happy. Now I am a lot happier now. It seems that I'm given, in terms of roles, especially, itong last na teleserye na ginawa ko I was given something different. It was the series with Judy Ann, medyo gray 'yung character, medyo iba. It's like bipolar. I'm enjoying trying different roles and different things," nagkanayon siya, nga ang gipasabot mao ang nahuman na nga primetime series "Huwag Ka Lang Mawawala."

Pero giklaro ni Sam nga wala pa niya hingpit talikdi ang iyang pangandoy nga mamahimo gayud nga kabahin sa Hollywood ugma damlag.

"I think it's any actor's dream to go and work in Hollywood. It's always gonna be my dream to work there. But I’m very, very contented here," nagkanayon siya sa iyang paglugwa sa ANC's "Headstart" kagahapon sa buntag diin gi-promote niya ang "Kimmy Dora: Ang Kiyemeng Prequel."

It's also extremely hard to get in there and I'm very content here. I love my work, I'm so happy with all the blessings that I have here. It is still something that I want to pursue if I have time because, you know, I have great representation and people believe me over there and they really think that I can make it," niya pa.

Ang Kimmy Dora entry kini sa umaabot Metro Manila Film Festival nga gibituonan ni Eugene Domingo.

Top Google Searches 2013

Giluwatan na sa Google Philippines ang labing sikat nga searches karong tuiga. Kasagaran sa mga nalakip sa nagkadaiyang kategorya may kalabutan sa iskandalo, news and public affairs ug pop culture.

Top Overall Searches

1. Paul Walker

2. Samsung Galaxy S4

3. Movies 2013

4. Onehitcf

5. Camera 360

6. PAL Express

7. Neri Naig

8. Miss Universe 2013

9. EB Babe Yosh

10. iPhone 5s

Top Newsmakers

1. Paul Walker

2. Cory Monteith

3. Ariella Arida

4. Pope Francis

5. Megan Young

6. Devina Dediva

7. Nancy Binay

8. Janet Napoles

9. Gilas Pilipinas

10. Nelson Mandela

Most-Searched People

1. Paul Walker

2. Neri Naig

3. EB Babe Yosh

4. Cory Monteith

5. Wall Bayola

6. Ariella Arida

7. Kevin Ware

8. Pope Francis

9. Chito Miranda

10. Megan Young

Top Local Celebrities

1. Neri Naig

2. EB Babe Yosh

3. Wally Bayola

4. Ariella Arida

5. Chito Miranda

6. Megan Young

7. Freddie Aguilar girlfriend

8. Totoy Brown

9. Krista Miller

10. Alyssa Quijano

(BANAT NEWS)