Parehong natawo sa Agosto 21

Dear Kuya Uriel,

Good day. I was born on August 21, 1959. My husband was born on August 21, 1962. Okey ra ba or bati ang among punsoy? -- 0920-withheld

TUBAG: Natawo ka sa tuig sa baboy samtang ang imong bana natawo sa tuig sa tigre. Wala mag-ingon ang Chinese feng shui nga dili kamo compatible apan dili usab kamo perfect match. Tungod niini, ayaw na lang kahibulong kun may panahon nga dili ninyo kalikayan ang panaglalis. Dili angay nga mahulga ang inyong pagminahalay sa mga gumonhap nga mohulga sa inyong kinabuhi.

* * *

Dear Kuya Uriel,

I want to know my CHI. I was born on January 15, 1969. My husband was born on February 5, 1968. Thanks. -- 0919-2941044

TUBAG: Natawo ka sa tuig sa sunoy samtang ang imong bana natawo sa tuig sa unggoy. Managsamang kusog ang buylo sa inyong positive CHI. Giklaro gayod sa feng shui almanac nga dili kamo perfect match sa usa’g-usa.

* * *

Dear Kuya Uriel,

Hello....! I want to know my CHI. I was born on April 25,1988. My ex-boyfriend was born on March 27, 1988. Thank you very much. -- 0915-8844xxx

TUBAG: Managsama kamong natawo sa tuig sa dragon. Mas kusog hinuon ang buylo sa imong ex-boyfriend kay sa kaugalingon mong CHI. Dili nindot ang inyong kombinasyon isip manag-higugmaay. Giklaro sa punsoy nga dili kamo perfect match busa mas maayo nga dili ka nalang magtinguha nga magkauli pa kamo.

* * *

Dear Kuya Uriel,

Gusto kong mahibalo kun unsay hubad sa akong damgo. Nanuroy kuno mi sa akong mga higala unya kalit lang daw nahulog mi sa lawom kaayong dagat. -- 0905-9629561

TUBAG: Ang imong damgo nagpasabot nga adunay oportunidad nga moabot sa imong kinabuhi nga posibleng makahatag og karelaks sa imong kaugalingon. Ugaling lang kay kun ang maong oportunidad imong pahimuslan sa sayop nga paagi, hayan nga kini moresulta sa dakong kasagmuyo ug suliran. May mga panghitabo sa imong kinabuhi nga di mo lang damhon, magdulot kanimo’g komplikasyon.

* * *

EDITOR’S NOTE

Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.