Ang CHI ni Lea ug sa iyang mister

Dear Kuya Uriel,

Good day. Unsa ang akong CHi ug sa akong mister? Natawo siya sa December 26, 1970 ug sa ako sa October 16, 1970. Unsay among kapalaran? Daghang salamat. -- Lea of Lila, Bohol

TUBAG: Managsama kamong natawo sa tuig sa iro. Mas kusog ang buylo sa positive CHI sa imong bana kay sa kaugalingon nimong CHI. Dili maayo ang inyong kombinasyon isip magtiayon. Sumala gud sa feng shui, dili kamo perfect match. Hinuon, adunay pipila ka butang ug aspeto sa kinabuhi nga compatible kamo. Angay ninyo kining palamboon aron inyong maangkon ang nindot nga kapalaran. Akong isugyot ang pagbutang og bagua sa tungod sa pultahan sa inyong balay kay kini makatabang pagdapit sa suwerte.

* * *

Dear Kuya Uriel,

Hello...! I want to know my CHI. I was born on December 29, 1987. My boyfriend was born on February 20, 1987. Thank you. -- 0918-7732xxx

TUBAG: Managsama kamong natawo sa tuig sa koneho. Mas kusog ang buylo sa CHI sa imong boyfriend kay sa kaugalingon mong CHI. Dili nindot ang inyong kombinasyon isip managhigugmaay. Giklaro sa punsoy nga dili gayod kamo perfect match sa usa’g-usa. Mahiagoman ninyo ang daghang komplikasyon kun magkadayon kamo.

* * *

Dear Kuya Uriel,

Good day. I just want to know my CHI. I was born on November 11, 1985. My girlfriend was born on April 28, 1988. Thank you. -- 0921-7643xxx

TUBAG: Natawo ka sa tuig sa baka samtang ang imong girlfriend natawo sa tuig sa dragon. Managsamang kusog ang buylo sa inyong CHI. Giklaro sa feng shui almanac nga dili kamo perfect match. Komplikado ang kinabuhi kun kamo ang magkadayon.

* * *

EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.