Ang CHI ni Kristita
Dear Kuya Uriel,
Maayong adlaw. Unsay akong CHI? Gusto unta kong mahibawo. Natawo ko sa November 20,1976. Unsay kahimtang sa imong negosyo? Molambo ba kini? Daghang salamat. -- Kristita of Maribojoc, Bohol
TUBAG: Dragon ang imong horoscopic animal. Kusog ang buylo sa imong positive CHI. Dili mapugngan ang imong kalamposan ni bisan kinsang masinahon. Likayi lamang ang mga binuhat nga natawo sa tuig sa baka ug iro kay makasuhong sila sa suwerte nga modangat sa imong kinabuhi. Dako’g purohan nga molambo ang inyong negosyo kun kini may kalabotan sa arte, kalingawan, panambal, balaud ug pangahente tungod kay mao kini ang haom kanimo.
* * *
Dear Kuya Uriel,
Hi...! I want to know my CHI. I was born on April 8, 1992. Thank you very much. More power to you and God bless.-- 0919-8525700
TUBAG: Nahimugso ka sa petsa nga ang elementong puthaw maoy koresponsal. Unggoy ang imong horoscopic animal. On and off ang momentum sa imong positive. May pasidaan nga dili ang tanan nimong pangandoy sa kinabuhi makabaton og katumanan.
* * *
Dear Kuya Uriel,
Good day. I just want to know my CHI. I was born on August 18, 1987. My boyfriend was born on November 23, 1980. Thank you very much. -- 0918-4575xxx
TUBAG: Natawo ka sa tuig sa koneho samtang ang imong boyfriend natawo sa tuig sa unggoy. Managsamang kusog ang momentum sa inyong CHI. Apan mas lagsik pa gayod ang imong life force kun itandi sa CHI sa imong boyfriend. Dili nindot ang inyong kombinasyon isip managhigugmaay. Giklaro sa Chinese feng shui nga dili kamo perfect match sa usa’g-usa. Pipila lang ka butang ug aspeto sa kinabuhi nga compatible kamong duha. Komplikado ang kinabuhi kun kamo ang magkadayon.
* * *
EDITOR’S NOTE: Si Uriel Cruz Vallecera namatay na adtong miaging tuig. Kining iyang lindog nga “Banat Punsoy” nagpadayon pa tungod kay sa iyang pagtaliwan diha pay daghan niyang wa pa mapatik nga materials basi sa mga tawag sa telepono nga iyang nadawat. Alang sa kaangayan ngadto sa mga nanawag kaniya sa buhi pa siya nakahukom kami nga ipadayon ang lindog hangtud mapatik ang tanan.
- Latest
- Trending