Birhen sa Guadalupe

Sa pagpakita sa Mahal nga Birhen didto sa Mexico, si St. John Paul II, nagkanayon: “The appearance of Mary to the native Juan Diego on the hill of Tepeyac in 1531 had a decisive effect on evangelization. Its influence greatly overflows the boundaries of Mexico, spreading throughout the whole continent.”

Tinuod, ang influence ning maong milagro, mikuyanap ngadto sa nagkalainlaing dapit sa kalibutan ug hangtud na nganhi sa atong lalawigan.

Hinumdoman nga ang Birhen sa Guadalupe gi-konsagrar ni Ricardo Cardinal Vidal nga Patroness sa Lalawigan sa Sugbo niadtong 2002, ug ang canonical coronation gihimo Hulyo 16, 2006.

 Hinumdoman usab nga mao kining petsaha, Hulyo 16, 1902, nga ang mga molupyo sa Banawan (orihinal nga  ngalan sa Guadalupe), nag-procession, nag-awit sa Antifon, nangaliya sa Mahal nga Birhen ug Sta. Cruz, nga luwason sila gikan sa epidemic nga mikutlo na’g gatusan nga kinabuhi.

Tapus sa dawn penitential procession (sama sa ato karong Walk for Mary), gidungog ang ilang mga pag-ampo, ug nasumpo ang makalilisang sakit nga mihugpa sa balangay.

Martes kadto, karong adlawa, December 12, 1531, misayo si Juan Diego pag-adto sa lungsod aron pagkuha og pari aron pangadyean ang masakiton niyang uyoan si Juan Bernardino.  Kay nagdali, wala siya moagi sa naandan niyang agianan aron paglikay nga dili na usab niya igkita ang Birhen, apan, gisugat na usab siya sa Birhen nga nagkanayon:

“Listen, put in your heart. My son, whatever made you afraid and afflicted it is no longer; do not allow your face and your heart to be upset; do not be afraid of this illness or of anything poignant and afflicting.

“Am I not here, I who am your mother? Aren’t you under my shadow and my protection? Am I not the source of your happiness? Aren’t you in the hollow of my robe and the crossing of my arms? Is there anything else you need?”

Dungan niadtong mga pulong, gisultian si Juan Diego sa Birhen nga naayo na ang himatyon niyang uyoan, diin niadtong mga gutloa nagpakita siya sa masakiton ug nagpaila nga siya si “Santa Maria de Guadalupe.”

Giingon dinhi,”Our Lady of Guadalupe’s patronage of churches and families throughout the hemisphere goes back to 475 years, yet her message today is as timely as it was in 1531.”

Tinuod, ang mensahe sa Mahal nga Birhen sa Guadalupe niadtong 1531, applicable gihapon karong panahona, diin ang kalibutan karon gihulga sa tanang matang sa kaguliyang.

Happy Fiesta kanatong tanan!