Ang mas klaro

Aw Olark kon sa binatan-on nga pagkasulti kon maghisgot kita og way klaro. Ning panahona karon, daghan na gyud kuno ang way klaro. Dunay nangutana nako: “Unsa naman lang ang mas klaro?” Ako siyang gitubag: “Way Forever sa Kalibutan!” Mao ray bugtong nakong  nasulti.

Kini tungod kay sa atong kinabuhi, ang tanan mausab bisan na gani ang pagbati. Ang paghupot sa panghunahuna nga dunay permanente maoy makahatag og pag-antos nimo labina kon moabot ang kausaban nga wa damha. Mas maayo nga mamahimo kitang at home sa transitoriness ning kalibutana.

Sa dihang gipangutana ko sa akong kaubang pari kon unsay akong expectation sa among kinabuhi, ako siyang gitubag: “Wa nako’y expectation kay mahadlok kong mahiagom sa gitawag nilang frutration!”