Banat ( Leaderboard Top ), pagematch: 1, sectionmatch: 1

Sa sawog nga mabugnaw

Tungod kay wa ko kahigda sa katre gumikan sa mga hulmigas mao nga nakahukom na lang kong mokuha og banig aron sa sawog nga mabugnaw ako motagpilaw. Apan unsang pagka-unsaa nga alas tres sa kaadlawon atsi ug ubo na lang ang kanako misugat. Kini tungod kay ang kwarto nagkinahanglan man diay og limpiyo. Sa akong bahin mahinungdanon kaayo ang spiritual cleansing usab aron sa ingon mamahimong hapsay ang tanan diha sa atong panaw sa kinabuhi. Kini tungod kay ang kinabuhi usahay puno sa kahugaw ug mga kabalaka nga naghatag og kasamok sa naglatagaw nang daang hunahuna. Sa laing bahin ang kahilom sa kaadlawon kahigayonan sa pagpamalandong aron himoon ang pagpangutana sa kaugalingon kun anaa pa ba ang kainit sa pakighinabi sa labaw nga makagagahum. Malisud man tuod ang pagbangon apan ang lawas nga makabangon gyud ning taknaa tingali ang gihikap sa lamdag ug inspirasyon aron mamalandong sa dili pa molihok sa angayan nga lihokon.

  • Follow Us: