Banat ( Leaderboard Top ), pagematch: 1, sectionmatch: 1

Tinai sa drayber nahabwa

Nahabwa ang tinai sa usa ka taxi driver human dunggaba sa iyang kaubang taxi driver kagahapon sa alas 9:00 pasado sa buntag diha sa C. Padilla barangay Duljo-Fatima ning dakbayan.

Ang biktima giila sa kapulisan nga si Roberto Goc-ong, 36, taga barangay Quiot ning dakbayan, driver sa Corominas taxi samtang ang nakadunggab kaniya ang kauban ra usab nga drayber sa taxi nga si Evanjo “Jojo” Rafols, 32, taga F. Jaca St., Kinasang-an Pardo.

Si PO3 Buenaventura Ursaiz sa Homicide Section sa Cebu City Police Office nga gikahinabi sa Banat News nagkanayon nga si Goc-ong nakaangkon og samad dinunggaban sa tiyan ug nahabwa ang tinai niini dihang naigo sa espada nga ma-convert ngadto sa baton ug gibana-banang 20-pulgadas ang gitas-on.

Ang biktima uban kini ni Benigno Castrovende Jr. usa sa mga kawani sa gi-alagaran niining taxi nga nagbarog nga nag-estoryahanay dihang ang suspetsado kalit lang nibutho ug gidunggab ang biktima ug daling miikyas.

Sumala pa ni Ursaiz kritikal ang kahimtang sa biktima dihang nadala sa operating room sa CCMC.

Dugang kasayuran nga nakuha sa kapolisan dunay dugay na nga karaang panagbangi ang duha.

  • Follow Us: