Banat ( Leaderboard Top ), pagematch: 1, sectionmatch: 1

3 ka bikini bar ning dakbayan gibantayan

CEBU, Philippines - Ang Ceu City Anti-Indecency Board (CCAIB) may gipanid-an karong tulo ka mga bikini bar ning dakbayan kinsa padayong nagtanyag og malaw-ay nga pasundayag sa ilang mga customer. Sumala ni Dr. Lucille Mercado, hepe sa CCAIB nga nakadawat sila og report nga kining mga establisementoha mopahubo gyud sa ilang mga dancer sa panahon sa kadlawon, unya sinaw ug hamis kaayo ang mga lawas.

“Nakadawat mi og report, ilang i-alternate ang mga adlaw sa paghubo-hubo sa ilang mga dancer. Mao na ang ilang paagi aron malipat ang mga authority busa amo nana sila nga gi-monitor karon,” nagkanayon si Mercado. Dugang pa ni Mercado nga mohimo sila og surpresang mga operasyon uban sa mga kapolisan aron magun-ob ang mga malaw-ay nga binuhatan sa mga bikini bar.

Sumala pa niya nga adunay mga bar karon nga magpasulod bisan mga menor de edad ug usa kini sa ilang gibantayan.

“Grabe kaayo, aduna paman gani nga nag-uniform pa nga mosulod og bar,” nagkanayon si Mercado.

Matud pa niya nga kinahanglan usab mopatigbabaw ang responsibilidad sa mga ginikanan sa pagbantay sa ilang mga anak.

Gawas sa mga bikini bar, mihatag usab og atensyon ang CCAIB ngadto sa massage parlor nga sekretong nagtanyag og extra service ngadto sa ilang mga customer.

Gihagit ni Mercado ang nagnegosyo og mga massage parlor nga mohunong na sa ilang hiwi nga mga patigayon gumikan kay dili nila kini lung-an sa paggukod ug sa pagpasaka og kaso sa korte sa higayon nga maatlan kini sa ilang mga surpresang inspection.   - BANAT NEWS

  • Follow Us: