Banat ( Leaderboard Top ), pagematch: 1, sectionmatch: 1

John-John gukdon sa DOJ

Cebu - Dili pa gihapon lung-an sa Department of Justice (DOJ) ug sa Philippine Drug Enforcement Agency (PDEA 7) si kanhi Bise Gobernador   John Gregory Osmeña kinsa giakusang nagprotektar og illegal drug importers.

Kini bisan pa man og hingpit nang gibasura sa korte ang motion for reconsideration nga gisang-at sa prosecution batok sa unang desisyon sa korte nag-abswelto sa kasong may kalambigitan sa pagpayuhot sa giingong precursor sa ilegal nga drugas.

Sumala pa ni Regional State Prosecutor Lina Ypong nga ang DOJ ug PDEA may planong mopasaka og laing kaso batok kang Osmeña.

Si Ypong nagkanayon nga ilang gitutokan pag-ayo ang pagpangita og dugang ebidensiya aron makapasaka sila og laing kaso batok sa kanhi bise gobernador.

Apan mitumbok ang regional state prosecutor nga mangita gihapon sila og pamaagi aron madutlan ang kanhi bise gobernador.

Nasayran nga gibasura sa korte ni Osmeña kalabot sa impormasyon sa 1,500 kilogramos nga pseudo-ephidrene agi sa Bureau of Customs ning siyudad sa Sugbu tungod sa kapakyas sa prosecution sa pagmatuod nga gigamit sa kanhi bise gobernador ang posisyon aron ma-release ang nasakmit sa mga awtoridad nga ilegal nga drugas. BANAT NEWS

  • Follow Us: