Cardinal anha ilubong sa Cathedral
CEBU, Philippines — Archbishop Emeritus Ricardo Cardinal Vidal ihatod na sa iyang kapahulayan nga dayon karon Oktobre 26, 2017 Huwebes sa alas-9 ang takna sa buntag sa museum sa Cebu Metropolitan Cathedral nga lubnganan sa mga Obispo.
Kini ang gibutyag ni Archbishop Jose Palma sa Archdiocese of Cebu nga nahinabi sa Banat News.
Matud pa ni Palma, gikan adlaw nga Miyerkules hangtud Sabado sa buntag magpabilin si Cardinal Vidal sa Cebu Metropolitan Cathedral, samtang ini’g alas -7 sa buntag hangtod sa alas-6 sa gabii dad-on kini sa Archdiocesan Shrine of San Pedro Calungsod alang sa Santos nga Misa subay sa ikalima ka tuig human nahimong santo si Calungsod.
Sumala pa ni Palma human niini dad-on kini pagbalik sa Cebu Metropolitan Cathedral diin adto na kini hayaon hangtod nga kini ilubong.
Gikasubo sa tanan ang pagtaliwan ni Vidal apan matud pang Palma bulahan gihapon ang mga Sugboanon tungod sa kamaayo sa Cardinal.
Awhag ni Palma sa mga magtutuo nga padayon gihapon nga mag-ampo alang sa kapahulayan nga dayon sa Cardinal. (BANAT NEWS)
- Latest
